The news is by your side.

Advertisement

وزیراعلیٰ پنجاب سے ہائی کورٹ باربہاولپورکے صدرکی ملاقات

بہاولپور: وزیراعلیٰ پنجاب سردار عثمان بزدار کا کہنا ہے کہ وکلا نے آزادعدلیہ اورآئین وقانون کی بالادستی کے لیے کردارادا کیا۔

تفصیلات کے مطابق بہاولپور میں وزیراعلیٰ پنجاب سردار عثمان بزدار سے ہائی کورٹ بار بہاولپور کے صدر نے ملاقات کی۔

وزیراعلیٰ پنجاب نے ملاقات کے دوران کہا کہ وکلا برادری کے مسائل ترجیحی بنیادوں پرحل کریں گے، بہاولپورمیں وکلا کالونی کے ایشوکوبھی جلد طے کرلیا جائے گا۔

سردار عثمان بزدار نے بارکی لائبریری، عمارت کی تعمیرکے لیے کمشنربہاولپورکوتخمینہ لگانے کی ہدایت کردی۔

وزیراعلیٰ پنجاب نے کہا کہ میں خود وکیل ہوں اوروکلا برادری کے مسائل سے آگاہ ہوں، وکلا نے آزاد عدلیہ اورآئین وقانون کی بالادستی کے لیے کردارادا کیا۔

خیال رہے کہ گزشتہ روز بہاولپور میں وزیراعلیٰ پنجاب کی زیرصدارت 3 گھنٹے تک جاری رہنے والے اجلاس میں عام عوام کے لیے صاف پانی کی دستیابی اور زمینی پانی نکالنے کے لیے جدید ٹیکنالوجی کے استعمال کے حوالے سے کابینہ نے پنجاب کی پانی پالیسی کا ڈرافٹ کو منظور کیا تھا۔

واضح رہے کہ گزشتہ روز سردار عثمان بزدار کا کہنا تھا کہ سرکارصرف لاہورمیں بیٹھ کرمانیٹرنہ کرے بلکہ موقع پر جائے،اطمینان رکھیں بہاولپورکے مسائل حل ہوں گے۔

Comments

comments

یہ بھی پڑھیں