The news is by your side.

Advertisement

وزیراعلیٰ پنجاب نے میٹروبس سروس کے کرایوں میں اضافے کی تجویز مسترد کردی

لاہور: وزیراعلیٰ پنجاب سردار عثمان بزدارعام آدمی کوریلیف دینا ہماری ذمہ داری ہے، حکام وسائل میں اضافے کے لیے قابل عمل آپشن کا جائزہ لیں۔

تفصیلات کے مطابق وزیراعلیٰ پنجاب کی زیرصدارت کابینہ اسٹینڈنگ کمیٹی برائے فنانس اینڈ ڈویلپمنٹ کا اجلاس ہوا۔

وزیراعلیٰ پنجاب نے میٹروبس سروس کے کرایوں میں اضافے کی تجویز مسترد کرتے ہوئے کہا کہ کرائے بڑھا کرغریب عوام پرمعاشی بوجھ نہیں ڈالنا چاہتے۔

سردار عثمان بزدار نے کہا کہ عام آدمی کوریلیف دینا ہماری ذمہ داری ہے، حکام وسائل میں اضافے کے لیے قابل عمل آپشن کا جائزہ لیں۔

اجلاس میں کنٹریکٹ ملازمین کی دوران ملازمت وفات پراہلخانہ کے لیے مالی امداد اورماس ٹرانزٹ اتھارٹی کے نئے ایم ڈی کے لیے ضروری پراسس مکمل کرنے کی منظوری دی گئی۔

وزیراعلیٰ پنجاب کی زیرصدارت اجلاس میں ڈی جی پی آرکے ڈیجیٹل میڈیا ونگ میں بھرتیوں اور ڈینگی کنٹرول پروگرام، ایس ایم یومیں بھی بھرتیوں کی اجازت بھی دی گئی۔

کابینہ اسٹینڈنگ کمیٹی برائے فنانس اینڈ ڈویلپمنٹ کے اجلاس میں ڈی جی خان میں گندم ذخیرہ کرنے کے لیے سائلوزکو آپریشنل کرنے کی منظوری دی گئی۔

اجلاس میں نرسنگ کالجزکے ساتھ ماں بچے کے لیے اسپتال قائم کرنے کے فیصلے کے ساتھ ڈسٹرکٹ ہیڈکوارٹراسپتال چکوال کے لیے فنڈزاور تونسہ شریف میں پناہ گاہ بنانے کی منظوری بھی دی گئی۔

Comments

comments

یہ بھی پڑھیں