The news is by your side.

Advertisement

بھارت نے جنت نظیروادی کوعوام کے لیے جہنم بنا دیا ہے، عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ نام نہاد جمہوریت کا بھیانک چہرہ دنیا کے سامنے بے نقاب ہو چکا ہے، بھارت نے عالمی قوانین اورانسانی حقوق کو جوتے کی نوک پر رکھا ہے۔

تفصیلات کے مطابق وزیراعلیٰ پنجاب نے کہا کہ بھارت نے جنت نظیر وادی کوعوام کے لیے جہنم بنا دیا ہے، مودی سرکار نے نہتے کشمیریوں پر عرصہ حیات تنگ کیا ہوا ہے، مسلسل کرفیو اور کریک ڈاؤن کے باوجود جذبہ آزادی پہلے سے زیادہ بڑھا۔

سردار عثمان بزدار نے کہا کہ نام نہاد جمہوریت کا بھیانک چہرہ دنیا کے سامنے بے نقاب ہو چکا ہے، بھارت نےعالمی قوانین اور انسانی حقوق کوجوتے کی نوک پررکھا ہے۔

وزیراعلیٰ پنجاب نے کہا کہ مودی سرکار کے خون آشام ہاتھ کشمیریوں کے لہو سے رنگے ہیں، عالمی برادری کوانسانی المیے سے بچنے کے لیے کشمیریوں کا ساتھ دینا ہوگا۔

انہوں نے کہا کہ اہم مسئلے پر دنیا کی مزید خاموشی کسی بڑے سانحے کا باعث بن سکتی ہے، امتحان عالمی برادری کا ہے کہ وہ امن کا ساتھ دے گی۔

سردار عثمان بزدار نے کہا کہ مقبوضہ کشمیر کی صورت حال پرپاکستان کسی صورت خاموش نہیں رہ سکتا، کشمیری ہمارے ہیں اور ہم کشمیر کے ہیں۔

Comments

comments

یہ بھی پڑھیں