عمران خان بانیان پاکستان کے خواب کو تعبیردے رہے ہیں ‘ وزیراعلیٰ پنجاب -
The news is by your side.

Advertisement

عمران خان بانیان پاکستان کے خواب کو تعبیردے رہے ہیں ‘ وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ کپتان نے پاکستان کو اس کی منزل کی طرف رواں دواں کردیا ہے۔

تفصیلات کے مطابق لاہور میں وزیراعلیٰ پنجاب نے مختلف وفود سے ملاقات کے دوران کہا کہ عمران خان بانیان پاکستان کے خواب کو تعبیردے رہے ہیں۔

سردارعثمان بزدار نے کہا کہ ایک ماہ میں عوام کی زندگی میں تبدیلی کے لیے بے پناہ کام کیا ہے، کپتان نے پاکستان کواس کی منزل کی طرف رواں دواں کردیا ہے۔

انہوں نے کہا کہ عوام کے مسائل کوترجیحی بنیادوں پرحل کریں گے، نئے پاکستان میں کمزور اورغریب کو بھی ان کا حق ملے گا۔

سردار عثمان بزدار نے کہا کہ پاکستان کواس کی اصل منزل سے ہٹانے والے ملک وقوم کے مجرم ہیں۔

قوم کی ایک ایک پائی کے امین ہیں، وزیراعلیٰ پنجاب عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدار کا کہنا تھا کہ کفایت شعاری اورسادگی کو فروغ دے رہے ہیں ، قوم کی ایک ایک پائی کے امین ہیں، عوام جلد ملک کو ترقی کی راہ پر تیزی سے گامزن ہوتا دیکھیں گے۔

وزیراعلیٰ پنجاب کا کہنا تھا کہ کفایت شعاری اورسادگی کو فروغ دے رہے ہیں، اخراجات کم کریں گے، بچنے والاپیسہ عوامی فلاح پرلگائیں گے۔

Comments

comments

یہ بھی پڑھیں