The news is by your side.

Advertisement

پاکستان اور سعودی عرب کے درمیان تاریخی برادرانہ تعلقات ہیں، عثما ن بزدار

لاہور: وزیراعلیٰ پنجاب سردار عثمان بزدار کا کہنا ہے کہ پاکستان کے سعودی عرب سے مضبوط اور دوستانہ تعلقات صدیوں پرانی ثقافتی و معاشی شراکت پر مبنی ہیں۔

تفصیلات کے مطابق سعودی عرب کے قومی دن پر وزیراعلیٰ پنجاب نے سعودی حکومت اور عوام کو مبارکباد دیتے ہوئے کہا کہ حالیہ قیادت کی سربراہی میں سعودی عرب نے ترقی کی نئی منازل طے کیں۔

سردار عثمان بزدار نے کہا کہ پاکستان اورسعودی عرب کے درمیان تاریخی برادرانہ تعلقات ہیں، پاکستان کے سعودی عرب سے مضبوط اور دوستانہ تعلقات صدیوں پرانی ثقافتی و معاشی شراکت پر مبنی ہیں۔

وزیراعلیٰ پنجاب نے کہا کہ سعودی عرب اور پاکستان کی دوستی پوری دنیا کے لیے مثال کی حیثیت رکھتی ہے، آزمائش کے ہرموقع پر سعودی عرب نے پاکستان کی ہر ممکن مدد کی ہے۔

انہوں نے کہا کہ پاکستان اور سعودی عرب کے درمیان باہمی دلچسپی کے تمام شعبوں میں تعاون اور ہم آہنگی پائی جاتی ہے، سعودی عرب کو پاکستان کے عوام اپنا دوسرا گھر سمجھتے ہیں۔

واضح رہے کہ سعودی عرب میں آج 23 ستمبر کو مملکت کا قومی دن بھرپور جوش وجذبے کے ساتھ منایا جا رہا ہے، یہ دن شاہ عبدالعزیز آل سعود کی جانب سے جاری اس شاہی فرمان کی یاد میں منایا جاتا ہے جس میں مملکت کے بانی نے جدید سعودی ریاست کے تمام حصوں کو مملکت سعودی عرب کے نام کے تحت یکجا اور متحد کیا تھا۔

Comments

comments

یہ بھی پڑھیں