لاہور: وزیراعلیٰ پنجاب سردار عثمان بزدار کا کہنا ہے کہ گزشتہ حکومتوں کی غلط پالیسیوں کے باعث قوم کا بچہ بچہ مقروض ہے۔
تفصیلات کے مطابق وزیراعلیٰ پنجاب نے کہا کہ سابق حکمرانوں نے پاکستان کو تباہ کرنے میں کوئی کسر نہیں چھوڑی، ذاتی مفادات کی خاطر اداروں کو تباہ کیا گیا۔
سردار عثمان بزدار نے کہا کہ پالیسیاں بناتے ہوئےعوامی ترجیحات اورقومی مفادات کو فراموش کیا گیا، گزشتہ حکومتوں کی غلط پالیسیوں کے باعث قوم کا بچہ بچہ مقروض ہے۔
وزیراعلیٰ پنجاب نے کہا کہ مشکل وقت ختم ہونے کو اور اچھا وقت دستک دے رہا ہے، پاکستان اپنی حقیقی منزل کی جانب تیزی سے بڑھ رہا ہے۔
لوٹی ہوئی دولت کی واپسی ہر پاکستانی کی خواہش ہے، وزیراعلیٰ پنجاب
یاد رہے کہ 8 جولائی کو وزیراعلیٰ پنجاب سردار عثمان بزدار کا کہنا تھا کہ لوٹی ہوئی دولت کی واپسی ہر پاکستانی کی خواہش ہے، قومی وسائل لوٹنے والوں نے ملک کے بچے بچے کو مقروض کر دیا۔
وزیراعلیٰ پنجاب کا کہنا تھا کہ معیشت کی تباہی کی بات کریں تو مخالفین تلملا اٹھتے ہیں، غلط اقتصادی پالیسیوں سے ملک وقوم کو بہت نقصان پہنچایا گیا، ادارے خود مختار ہیں، احتساب بلاامتیازہو رہا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں