The news is by your side.

Advertisement

‘آج تحریک انصاف ایوان بالامیں اکثریتی جماعت بن کر ابھرے گی’

لاہور: وزیراعلیٰ پنجاب عثمان بزدار کا کہنا ہے کہ آج سچ کی جیت ہوگی،جھوٹ کی سیاست کو ہزیمت کاسامنا کرناپڑے گا اور تحریک انصاف ایوان بالامیں بھی اکثریتی جماعت بن کر ابھرے گی۔

تفصیلات کے مطابق ایوان بالاکی37نشستوں کےامیدواروں کاانتخاب آج ہورہا ہے ، وزیراعلیٰ پنجاب عثمان بزدار نے اپنے بیان میں کہا ہے کہ آج سچ کی جیت ہوگی،جھوٹ کی سیاست کو ہزیمت کاسامنا کرناپڑےگا ، عمران خان کی قیادت میں پی ٹی آئی شفاف سیاست کی علمبردار ہے۔

اپوزیشن کا پوراٹولہ کرپشن میں لت پت ہے اور ان کا ماضی بھی داغدار ہے اور حال بھی ،ویڈیو نےکرپٹ ٹولے کی کرپٹ پریکٹسز کاپردہ چاک کردیا۔

منڈیا ں لگاکرخریدو فروخت کرنےوالوں کے چہرے بےنقاب ہو گئے، سیاسی بیوپاریوں کی دال اب نہیں گلے گی، تحریک انصاف ایوان بالامیں بھی اکثریتی جماعت بن کر ابھرے گی، ارکان اسمبلی کبھی بھی بہروپیوں کوووٹ نہیں دیں گے۔

ویڈیو نےسیاسی سوداگروں کی سودےبازی پرمہرتصدیق ثبت کر دی ، سیاست خدمت کانام ہے،خریدوفروخت کرنے والوں نےبدنامی کمائی، سینٹ الیکشن کےبعد سیاسی سوداگر منہ چھپاتے پھیریں گے۔

خیال رہے عوامی نمائندے ایوان بالا کی سینتیس نشستوں کے امیدواروں کا فیصلہ کریں گے، قومی اسمبلی میں دو، سندھ اسمبلی میں گیارہ، خیبرپختونخوا اسمبلی میں بارہ اور بلوچستان اسمبلی میں بھی بارہ سینیٹرز کاانتخاب ہوگا۔

پنجاب سے سات جنرل نشستوں، دو خواتین اوردو ٹیکنوکریٹ نشستوں پرتمام گیارہ امیدوار بلامقابلہ منتخب ہوچکے ہیں۔

Comments

یہ بھی پڑھیں