The news is by your side.

Advertisement

پنجاب حکومت نے177 ریسٹ ہاؤسزعوام کے لیے کھول دیے

لاہور: وزیراعلیٰ پنجاب سردار عثمان بزدار کا کہنا ہے کہ پنجاب میں عوام کے لیے کھولے گئے ریسٹ ہاؤسزسے حاصل آمدنی ملحقہ علاقوں پرخرچ کی جائے گی۔

تفصیلات کے مطابق وزیراعلیٰ پنجاب سردار عثمان بزدار نے بتایا کہ پنجاب میں مختلف محکموں کے177 ریسٹ ہاؤسزعوام کے لیے کھول دیے گئے ہیں۔

وزیراعلیٰ پنجاب عثمان بزدار نے کہا کہ ریسٹ ہاؤسزپہلے سرکاری عہدیداروں کے ذاتی استعمال میں تھے۔

سردار عثمان بزدار نے کہا کہ ریسٹ ہاؤسزسے حاصل آمدن ملحقہ علاقوں پرخرچ کی جائے گی، کمیونٹی ڈویلپمنٹ کے لیے فنڈز جمع ہوں گے، آمدنی سے ریسٹ ہاؤسز کی دیکھ بھال بھی ہوگی۔

سیروتفریح کے لیے آنے والوں کو اب نجی ہوٹلزکو مہنگے کرائے ادا نہیں کرنا پڑیں گے

یاد رہے رواں سال اپریل میں سیاحت کے فروغ اور ترقی سے متعلق اجلاس میں وزیراعظم عمران خان کا کہنا تھا کہ نجی شعبہ سیاحت کے فروغ کے لیے کردار ادا کرے، سیاحتی زونز کے قیام میں ماحول اور قدرتی حسن کو مد نظر رکھا جائے، ویب سائٹ پر مقامی اور غیر ملکی سیاحوں کے لیے تفصیل دی جائے۔

وزیراعظم پاکستان نے کہا تھا کہ حکومت سیاحت کے فروغ کے لیے ہر ممکن سہولت فراہم کرے گی۔

واضح رہے رواں سال جنوری میں حکومت نے سیاحوں کے لیے نئی ویزا پالیسی کا اعلان کرتے ہوئے کہا تھا کہ پچاس ممالک کے سیاحوں کو آن آرائیول اور 175 کو ای ویزا سہولت فراہم کی جائے گی۔

Comments

comments

یہ بھی پڑھیں