The news is by your side.

Advertisement

عوام دوست پالیسیوں سے تحریک انصاف مقبول ترین جماعت بن گئی ہے‘ عثمان بزدار

لاہور: وزیراعلیٰ پنجاب سردار عثمان بزدار کا کہنا ہے کہ تحریک انصاف کا دور پائیدارترقی اورعوام کی حقیقی خوشحالی کا دور ہے۔

تفصیلات کے مطابق لاہور میں وزیراعلیٰ پنجاب سردار عثمان بزدار سے تحریک انصاف میں شامل ہونے والے شوکت بسرا نے ملاقات کی۔

سردار عثمان بزدار نے کہا کہ تحریک انصاف نے اپنے انقلابی منشور کے باعث شاندار کامیابی حاصل کی، عوام دوست پالیسیوں سے تحریک ا نصاف مقبول ترین جماعت بن گئی ہے۔

وزیراعلیٰ پنجاب نے کہا کہ تحریک انصاف کا دورپائیدارترقی اورعوام کی حقیقی خوشحالی کا دور ہے، تحریک انصاف نے چند ماہ میں وہ کام کیے جو ماضی میں برسوں میں نہ ہوا۔

وزیراعلیٰ سردار عثمان بزدار نے کہا کہ وزیراعظم عمران خان نے قوم کو نئی سمت دی ہے۔

تحریک انصاف کی حکومت کمزور کے ساتھ کھڑی ہے، عثمان بزدار

یاد رہے کہ گزشتہ ہفتے سردار عثمان بزدار کا کہنا تھا کہ تحریک انصاف کی حکومت کمزور کے ساتھ کھڑی ہے، 100 دن میں جتنا کام کیا گزشتہ حکومتیں کسی دورمیں نہ کرسکیں۔

وزیراعلیٰ پنجاب کا کہنا تھا کہ ہر پسماندہ تحصیل کو ترقی یافتہ علاقوں کے برابر لائیں گے، نئے پاکستان کی ترقی کے سفر میں رکاوٹ حائل نہیں ہونے دیں گے۔

Comments

comments

یہ بھی پڑھیں