The news is by your side.

Advertisement

پنجاب کا بجٹ : عثمان بزدار نے “تلاش گمشدہ” کا اشتہار ٹویٹ کردیا

لاہور : پنجاب میں وزیرخزانہ مقرر نہ کرنے پر سابق وزیراعلی عثمان بزدار نے طنز کرتے ہوئے “تلاش گمشدہ” کا اشتہار ٹویٹ کردیا۔

تفصیلات کے مطابق پنجاب کا بجٹ کون پیش کرے گا ، اس کا فیصلہ اب تک نہ ہوسکا، سابق وزیراعلیٰ پنجاب عثمان بزدار نے سماجی رابطے کی ویب سائٹ ٹوئٹر پر “تلاش گمشدہ”کا اشتہار شیئر کرتے ہوئے کہا پنجاب کا وزیرخزانہ نے بجٹ 13جون کو پیش کرنا ہے اس کا نام فائنل نہیں ہوا، جس کوبھی معلومات ہوں پنجاب اسمبلی سےرابطہ کرے۔

خیال رہے ملک کا سب سے بڑا صوبہ پنجاب تاحال وزیر خزانہ کی خدمات سے محروم ہے جبکہ رواں ماہ صوبے کا بجٹ بھی پیش کیا جائے گا، وزیر خزانہ کون ہوگا؟ فیصلہ تاحال نہیں کیا جاسکا ہے۔

ذرائع کا کہنا تھا کہ ن لیگ کی جانب سے میاں مجتبیٰ شجاع الرحمان کا نام بطور وزیرخزانہ سامنےآیا ہے جبکہ پیپلزپارٹی کی جانب سے مخدوم عثمان محمود کا نام زیر گردش ہے، دونوں جماعتوں کی جانب سے وزیر خزانہ نامزد کرنے پر چہ مگوئیاں شروع ہوگئیں ہیں۔

یاد رہے صوبہ پنجاب کا آئندہ مالی سال کے لیے بجٹ پیر 13 جون کو پیش کیا جائیگا جس کے لیے اسمبلی اجلاس طلب کرلیا گیا ہے۔

Comments

یہ بھی پڑھیں