The news is by your side.

Advertisement

فضول خرچی کرنے والے افسران کے لیے عثمان بزدار کا دوٹوک پیغام

لاہور: وزیراعلیٰ پنجاب سردار عثمان بزدار نے کہا ہے کہ سرکاری سطح پر فضول خرچیوں کی پہلے اجازت دی نہ آئندہ دیں گے۔

تفصیلات کے مطابق صوبائی دارالحکومت لاہور میں وزیر اعلیٰ پنجاب عثمان بزدار نے پارلیمانی پارٹی کے اجلاس سے خطاب کرتے ہوئے کہا کہ یہ سال غیر معمولی نوعیت کا ہے،کرونا جیسی وبا نے پاکستان سمیت پوری دنیا کو متاثر کیا ہے۔

انہوں نے کہا کہ پنجاب حکومت کی جانب سے کیے کرونا سے نمٹنے،علاج کے لیے 25 ارب روپے فوری طور پر دیےگئے، پنجاب حکومت کو مشکل صورت حال میں ہنگامی اقدامات اٹھانا پڑے۔

عثمان بزادر کا اجلاس سے خطاب کے دوران کہنا تھا کہ پنجاب میں اب تک3 لاکھ 56 ہزار ٹیسٹ کیے جا چکے ہیں۔انہوں نے بتایا کہ صوبے
میں ٹیسٹ کی صلاحیت 12 ہزار تک پہنچ چکی ہے۔

انہوں نے کہا کہ مہلک وبا سے متاثرہ افراد کو بہترین سہولیات فراہم کرنے کے لیے وینٹی لیٹرز،ہائی ڈیپنڈنسی یونٹس میں اضافہ کر رہے ہیں،رواں ماہ این ڈی ایم اے 1 ہزار ہائی ڈیپنڈنسی بیڈز فراہم کرے گا۔

عثمان بزدار نے ایک بار پھر واضح کیا کہ کرونا پھیلاؤ روکنے کے لیے حکومتی ایس او پیز پرسختی سے عملدرآمد کرایا جائےگا،جن علاقوں میں ایس او پیز پر عملدرآمد نہیں ہوگا انہیں سیل کیا جائے گا۔

ٹدی ڈل سے متعلق بات کرتے ہوئے وزیراعلیٰ پنجاب کا کہنا تھا کہ ٹڈی دل سے فصلوں کو بچانے کے لیے فوری طور پرفنڈز فراہم کیے گئے،اللہ تعالیٰ کے فضل،حکومتی اقدامات سے ٹڈی دل سے زیادہ نقصان نہیں پہنچا۔

پارلیمانی پارٹی کے اجلاس سے خطاب کے دوران وزیراعلیٰ پنجاب سردار عثمان بزدار کا کہنا تھا کہ سرکاری سطح پر فضول خرچیوں کی پہلے اجازت دی نہ آئندہ دیں گے۔

Comments

یہ بھی پڑھیں