The news is by your side.

Advertisement

عثمان ڈار نے وزیراعظم سے استعفے کا مطالبہ مضحکہ خیز قرار دے دیا

اسلام آباد: معاون خصوصی عثمان ڈار نے وزیراعظم عمران خان سے استعفے کا مطالبہ مضحکہ خیز قرار دے دیا۔

تفصیلات کے مطابق عدالتی فیصلے سے متعلق لیگی رہنما خواجہ آصف کے بیان پر عثمان ڈار نے ردعمل دیتے ہوئے وزیراعظم سے استعفے کا مطالبہ مضحکہ خیز قرار دے دیا۔

عثمان ڈار کا کہنا تھا کہ خواجہ آصف بتائیں پاناما کیس کے فیصلےمیں کونسا باب رقم ہواتھا؟ اخلاقی جرات ہے تو تسلیم کریں نوازشریف کی نا اہلی کا فیصلہ درست تھا۔

انہوں نے خواجہ آصف کو مخاطب کرتے ہوئے کہا کہ شرم و حیا کا لیکچر آپ کے منہ سے اچھا نہیں لگتا،آپ سزا یافتہ مجرم کے لیے قائدمحترم،قائدمحترم کی تسبیح کرتے ہیں۔

معاون خصوصی کا کہنا تھا کہ وزیراعظم کے استعفے کا خواب دیکھنا چھوڑیں،عوامی خدمت پر دھیان دیں،سیالکوٹ کےعوام دیکھ رہے ہیں مشکل وقت میں آپ بھاگے ہوئے ہیں۔

جسٹس قاضی فائز عیسٰی ریفرنس؛ حکومت سپریم کورٹ کے فیصلے سے مطمئن ہے، شہزاد اکبر

یاد رہے کہ گزشتہ روز معاون خصوصی شہزاد اکبر کا کہنا تھا کہ آئین میں عدلیہ، مقننہ، انتظامیہ میں آزادی بھی ہونی چاہیے، کسی جج کے خلاف سپریم جوڈیشل کونسل خود بھی نوٹس لے سکتی ہے۔

Comments

یہ بھی پڑھیں