The news is by your side.

Advertisement

عثمان ڈار کی خواجہ آصف کو بڑی پیشکش

اسلام آباد : معاون خصوصی عثمان ڈار نے خواجہ آصف کو کامیاب جوان پروگرام میں شمولیت کی پیشکش کردی اور کہا جو بویا وہ کاٹنا پڑے گا، ذرا بھی حیاء ہوتی تو اقامہ پھینک کر قوم سے معافی مانگتے۔

تفصیلات کے مطابق معاون خصوصی عثمان ڈار نے لیگی رہنماء خواجہ آصف کے بیان پر رد عمل دیتے ہوئےکہا خواجہ آصف نے جو بویا وہ کاٹنا پڑے گا، وہ بطور وفاقی وزیر ملک کی شرم ساری کا باعث بنے۔

عثمان ڈار کا کہنا تھا کہ خواجہ آصف کے پاس دفاع اور خارجہ امور جیسی حساس وزارت کا قلمدان تھا ، وزیر دفاع ہوتے ہوئے کسی اور ملک کا اقامہ کیوں رکھا گیا؟ قومی وقار کو بالائے طاق رکھ کر غیر ملکی کمپنی کے ملازم بنے اور ایسی ملازمت کی جس میں کام نہ کرنے پر 20 لاکھ تنخواہ ملی۔

معاون خصوصی نے کہا کہ سر فخر سے بلند نہیں شرم سے جھک جانے کا مقام ہے، ذرا بھی حیاء ہوتی تو اقامہ پھینک کر قوم سے معافی مانگتے, اقامہ رکھنے پر خواجہ آصف کے نام نہاد لیڈر کو نا اہل کر دیا گیا۔

ان کا کہنا تھا کہ خواجہ آصف قوم کو بتائیں دبئی کی کمپنی میں کیا بیچتے تھے؟ ایسا کونسا ہنر تھا جس کے بدلے لیبر نمبر 303 لیا؟ خواجہ آصف کے پاس ہنر ہے تو اسکل ڈویلپمنٹ پروگرام میں شامل ہوں اور کامیاب جوان پروگرام میں شامل ہو کر ہنر مند پاکستان کا حصہ بنیں۔

fb-share-icon0
Tweet 20

Comments

comments

یہ بھی پڑھیں