The news is by your side.

Advertisement

معاون خصوصی عثمان ڈار کا کرونا کے مریضوں کے لیے مثالی قدم

سیالکوٹ: کرونا وائرس انفیکشن میں مبتلا مریضوں کے لیے حکومتی تعاون کے بغیر پہلی بار مثالی قدم سامنے آیا ہے۔

اے آر وائی نیوز کے مطابق سیالکوٹ کے مخیر حضرات نے اپنی مدد آپ کے تحت جدید ترین سہولیات حاصل کر لیں، اس سلسلے میں وزیر اعظم کے معاون خصوصی عثمان ڈار نے 125 ہائی فلو آکسیجن بیڈز کا انتظام کیا۔

مخیر حضرات کے تعاون سے 3 کروڑ روپے کی لاگت سے جدید ترین ٹیسٹنگ لیب بھی قائم کی گئی ہے، تمام انتظامات حکومتی فنڈز کے بغیر تاجر برادری اور مخیر حضرات کے تعاون سے کیے گئے، کرونا سے صحت یاب ڈاکٹر محمد احمد نے آکسیجن وارڈ کا افتتاح کیا۔

معاون خصوصی عثمان ڈار نے اسپتال کا دورہ کرتے ہوئے کہا کہ سیالکوٹ کے عوام نے نا قابل یقین کارنامہ سر انجام دیا ہے، مخیر حضرات کو خراج تحسین پیش کرتا ہوں جن کی وجہ سے یہ سب ممکن ہوا، آئندہ چند دنوں میں 75 آکسیجن بیڈز مزید حاصل کر لیں گے۔

انھوں نے کہا عوامی نمائندے چاہیں تو حکومتی مدد کے بغیر بھی عوامی فلاح کے اقدامات ممکن ہیں، حلقے کا منتخب نمائندہ عوام کو کرونا سے لڑتا چھوڑ کر اسلام آباد بھاگ گیا ہے، خواجہ آصف عوامی خدمت کی بجائے پارلیمنٹ میں کرپٹ لیڈر کے دفاع میں مصروف ہیں، جب کہ یہ وقت سیالکوٹ کے عوام کی خدمت کرنے کا تھا۔

عثمان ڈار کا کہنا تھا خواجہ آصف کو دعوت دیتا ہوں آؤ مل کر عوام کی خدمت کریں، کرپٹ لیڈر کے دفاع سے زیادہ عوام کی خدمت اہم ہے، سیاست بعد میں کر لیں گے ابھی مشکل وقت میں عوام کا ساتھ دیں۔

Comments

یہ بھی پڑھیں