پاکستان کے وکٹ کیپر بیٹر عثمان خان کا کہنا ہے کہ جتنی تنقید کرنی ہے کریں بس فیملی کا خیال کرلیا کریں۔
پاکستان نے آسٹریلیا کو دوسرے ٹی 20 میچ میں باآسانی 90 رنز سے شکست دے کر تین میچوں کی سیریز میں 2-0 کی فیصلہ کن برتری حاصل کرلی، کپتان سلمان علی آغا کو میچ کا بہترین کھلاڑی قرار دیا گیا۔
وکٹ کیپر بیٹر عثمان خان نے بھی شاندار نصف سنچری اسکور کی۔
یہ پڑھیں: پاکستان نے آسٹریلیا سے 7 سال بعد ٹی 20 سیریز جیت لی
پریس کانفرنس میں صحافی نے سوال کیا کہ آپ کی سلیکشن پر بہت تنقید ہوتی ہے آج آپ نے اچھا پرفارم کیا ہے ناقدین کو کیا پیغام دیں گے؟
جواب میں وکٹ کیپر بیٹر نے کہا کہ بس یہی پیغام ہے جتنی مرضی تنقید کریں کوئی مسئلہ نہیں ہے فیملیز بھی دیکھ رہی ہوتی ہیں بس یہ خیال کرلیا کریں، اتنی بات کیا کریں کہ ہمارے بیک گراؤنڈ میں کوئی مسئلہ نہ ہو۔
Pakistan wicket-keeper batter Usman Khan press conference | Pakistan vs Australia | Match 2 | T20I Series 2026 | PCB pic.twitter.com/AMU8JPbn1d
— Pakistan Cricket (@TheRealPCB) January 31, 2026
ایک سوال کے جواب میں عثمان خان نے کہا کہ نسیم شاہ کی گیند پر کیچ ٹرائی مجھے بھی کرنی تھی اور صاحبزادہ فرحان کی بھی تھی لیکن میں نے یہ سوچا کہ میرا ہاتھ آنے کی وجہ سے انہیں کوئی پریشانی نہ ہو اس لیے یہ ہوا۔
انہوں نے کہا کہ ٹیم کو جس نمبر پر میری ضرورت ہوگی بیٹنگ کروں گا میرا کام جاکر میچ فنش کرکے آنا ہوتا ہے جہاں تیز کھیلنا ہو بڑی شاٹ بھی مارتا ہوں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں