سابق آسٹریلوی کرکٹر عثمان خواجہ کے ہاں تیسری بیٹی کی پیدائش ہوئی ہے۔
فوٹو اور ویڈیو شیئرنگ ایپ انسٹاگرام پر سابق کرکٹر عثمان خواجہ نے فیملی فوٹو شیئر کی اور مداحوں کو تیسری بیٹی کی پیدائش کی خوشخبری سنائی۔
انہوں نے بیٹی کا نام ’عمیرہ مایا‘ رکھا ہے اور بتایا کہ بیٹی کی پیدائش جمعہ 13 مارچ کو ہوئی ہے۔
سابق کرکٹر نے لکھا کہ ’ہم بہت شکر گزار ہیں کہ ایک اور خوبصورت بیٹی پیدائش ہوئی ہے، مکمل ٹیم کے لیے ابھی 8 مزید باقی ہیں۔‘
واضح رہے کہ عثمان خواجہ نے ایشیز سیریز کے پانچویں میچ سے قبل ٹیسٹ کرکٹ سے ریٹائرمنٹ کا اعلان کیا تھا۔
عثمان خواجہ اسلام آباد میں پیدا ہوئے اور ان کی اہلیہ ریچل خواجہ نے 2018 کے آغاز میں اسلام قبول کرکے ان سے شادی کی، ان کی دو بیٹیاں عائشہ راحیل اور عائلہ فوزیہ ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں