پاکستانی ڈرامہ انڈسٹری کے معروف اداکار عثمان مختار نے سماجی رابطے کی ویب سائٹ ٹویٹر پر انٹری دے دی۔
معروف اداکار عثمان مختار نے نئے اکاؤنٹ سے پہلی ٹویٹ کرتے ہوئے مداحوں کو بتایا کہ بالآخر میں ٹویٹر پر آگیا ہوں، اس اکاؤنٹ کے علاوہ ٹویٹر پر میرے نام سے چلنے والے تمام اکاؤنٹس جعلی ہیں۔
ان کا کہنا تھا کہ ٹویٹر پر میرے نام سے چلنے والے اکاؤنٹس سے متعلق اپنے مداحوں کو انسٹاگرام پر پہلے سے آگاہ کرچکا ہوں۔
انہوں نے اپنے انسٹاگرام اکاؤنٹ کی بائیو میں اپنے ٹوئٹر اکاؤنٹ کی آئی ڈی بھی دے دی ہے۔
Hello Twitter!
I am finally on Twitter. This is my only official account. All other accounts are fake. I have mentioned it in my Instagram.– Usman Mukhtar pic.twitter.com/YRfpsgub0O
— Usman Mukhtar Official (@MukhtarHoonMein) September 14, 2021
ایک اور ٹوئٹ میں انہوں نے بتایا کہ انہیں ٹوئٹر پر انسٹاگرام جیسا نام ہی رکھنے میں مشکل درپیش تھی، ان کا انسٹاگرام پر نام ’مختار ہوں میں‘ ہے ، ایسا ہی نام انہوں نے ٹوئٹر پر بھی رکھا جس میں ان کے ایک دوست نے مدد کی۔
واضح رہے کہ عثمان مختار کا شمار پاکستان کے باصلاحیت اداکاروں میں ہوتا ہے، ڈرامہ سیریل ’انا‘ میں ان کی اداکاری کو مداحوں کی جانب سے خوب سراہا گیا تھا۔
عثمان مختار ان دنوں نجی ٹی وی سے نشر ہونے والے ڈرامے ’ہم کہاں کے سچے تھے‘ میں مرکزی کردار ادا کررہے ہیں، ڈرامے میں ان کے ہمراہ ماہرہ خان، کبریٰ خان ودیگر شامل ہیں۔