The news is by your side.

Advertisement

اداکارعثمان مختار نے مداحوں کو اپنی شادی سے متعلق کیا بتایا؟

کراچی : پاکستان شوبز انڈسٹری کے معروف اداکار عثمان مختار نے مداحوں کو اپنی شادی سے متعلق آگاہ کردیا اور اہلیہ کے ساتھ تصویر بھی شیئر کردی۔

اداکار عثمان مختار نے سوشل میڈیا پر مداحوں کی جانب سے ان کی نجی زندگی سے متعلق سوالات کیے جس کے انہوں نے تفصیلی جوابات دیئے۔

گزشتہ روز انہوں نے سوشل میڈیا پلیٹ فارم انسٹا گرام پر سوالات و جوابات سیشن سے متعلق ایک اسٹوری لگائی جس میں اُنہوں نے اپنے مداحوں کو سوالات پوچھنے کا کہا۔

مذکورہ اسٹوری پوسٹ ہوتے ہی مداحوں نے سوالات کی بوچھاڑ کردی جس میں سے عثمان مختار کی جانب سے چند سوالوں کے جوابات دیئے گئے۔

عثمان مختار کا خود سے متعلق پوچھے گئے سوالات کا جواب دیتے ہوئے کہنا تھا کہ اُن کی عمر 35 سال ہے اور اُنہیں پاکستان کا سب سے خوبصورت مقام چترال لگتا ہے اور اُن کی سب سے پسندیدہ غذا بریانی ہے۔

عثمان مختار کا معروف اداکارہ سجل علی سے متعلق پوچھے گئے سوال کے جواب میں کہنا تھا کہ سجل علی ایک بہترین اداکارہ ہیں۔

نئے نویلے دُلہا عثمان مختار نے اپنی شادی سے متعلق سوالات کے جوابات دیتے ہوئے بتایا کہ اُن کا صرف ابھی نکاح ہوا ہے، رخصتی ہونا باقی ہے جو کہ اس سال ہی میں متوقع ہے۔

اُنہوں نے مزید بتایا کہ وہ اپنی اہلیہ سے ایک مشترکہ دوست کے ذریعے ملے تھے یعنی اُن کے اور اُن کی اہلیہ کے ایک دوست نے ہی اِن دونوں کو ملوایا تھا۔

ایک مداح کی جانب سے عثمان مختار سے شادی کے بعد کی تصویر پوسٹ کرنے کو کہا گیا جس پر اُنہوں نے اپنی اہلیہ کے ہمراہ ایک خوبصورت تصویر بھی انسٹا اسٹوری پر شیئر کی ہے جسے مداحوں نے بے حد پسند کیا۔

Comments

یہ بھی پڑھیں