پاکستانی اسپنر عثمان طارق کے بولنگ ایکشن پر آسٹریلوی پلیئر کے اعتراض کو کپتان سلمان علی آغا نے مسترد کر دیا۔
آسٹریلیا کے خلاف ٹی ٹوئنٹی سیریز میں کلین سوئپ کرنے کے بعد پریس کانفرنس میں سلمان علی آغا نے کہا کہ عثمان طارق کے ایکشن پر اعتراض کیمرون گرین کا کام نہیں ہے یہ امپائرز اور میچ ریفری کا کام ہے ان کو کرنا چاہیے۔
بابراعظم کی سیریز میں پرفارمنس اور ٹی ٹوئنٹی فارمیٹ کے لیے سلیکشن پر سلمان علی آغا نے کہا کہ میرے خیال میں بابراعظم کو کھیلنے دینا چاہیے وہ پاکستان کیلئے پرفارم کرے گا۔
ان کا کہنا تھا کہ ہم نےتمام میچز ایک پلان کے مطابق کھیلے ہیں، ورلڈکپ سے قبل بڑی ٹیم کیخلاف سیریز میں کامیابی انتہائی اہمیت کی حامل ہے۔
ٹیم کمبی نیشن سے متعلق سلمان آغا نے بتایا کہ ہم اوپنرز کے علاوہ تمام بیٹرز کو صورتحال کے مطابق استعمال کریں گے ہماری ٹیم میں ہر کھلاڑی کو اس کے کردار کا علم ہے۔
پاکستانی اسپنر عثمان طارق نے اپنی بولنگ ایکشن پر اٹھنے والے تنازع کے دوران آسٹریلوی آل راؤنڈر کیمرون گرین کو سوشل میڈیا پر ایک ’کرائی بے بی‘ میم شیئر کرکے جواب دے دیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں