The news is by your side.

Advertisement

لانگ ڈرائیو پر لے جا کر ماں نے بچے کو گولی ماردی

امریکا میں ایک ماں نے اپنے شیر خوار بیٹے کو فائرنگ کر کے قتل کردینے کے بعد خود کو بھی گولی مار لی، پولیس نے زخمی ماں کو گرفتار کرلیا۔

امریکی میڈیا کے مطابق واقعہ امریکی ریاست یوٹاہ میں پیش آیا جہاں 40 سالہ ماں نے اپنے 2 سالہ بیٹے پر فائرنگ کردی۔

شیرف آفس کے مطابق خاتون رات کے وقت اپنے شیر خوار کو لے کر لانگ ڈرائیو پر نکلیں اور مختلف سڑکوں پر گھومتی رہیں، اس دوران ایک جگہ پر رک کر انہوں نے رائفل سے اپنے 2 سال کے بچے کو گولی مار دی جس سے وہ موقع پر ہی جاں بحق ہوگیا۔

اس کے بعد انہوں نے خود کو بھی گولی ماری اور زخمی حالت میں ڈرائیو کرتی رہیں، بالآخر ایک جگہ بے ہوش ہوگئیں۔

مقامی پولیس کو بچے کی لاش اور ماں زخمی حالت میں گاڑی کے اندر ملے۔

پولیس نے فوری طور پر ماں کو اسپتال منتقل کیا جہاں اسے حراست میں رکھا گیا ہے، اسپتال سے ڈسچارج ہونے کے بعد اسے حوالات منتقل کردیا جائے گا۔

Comments

یہ بھی پڑھیں