پیر, فروری 10, 2025
اشتہار

یوٹیلیٹی اسٹورز عام بازاروں سے بھی مہنگے ہو گئے

اشتہار

حیرت انگیز

یوٹیلیٹی اسٹورز جہاں صارفین کو اشیائے خورونوش کم قیمت پر فراہم کی جاتی ہیں مگر اب وہ عام مارکیٹوں سے بھی مہنگے ہو گئے ہیں۔

یوٹیلیٹی اسٹورز پر صارفین کو اشیائے خور ونوش عام مارکیٹ سے کم قیمت پر فراہم کی جاتی ہیں جس کے لیے حکومت اسے سبسیڈی فراہم کرتی ہے لیکن اب سستی خریداری کے یہ مراکز عام بازاروں سے بھی مہنگے ہو گئے ہیں اور یہاں فروخت کی جانے والی اشیا کے دام اوپن مارکیٹ سے کہیں زیادہ ہیں۔

اس حوالے سے سامنے آنے والی دستاویزات کے مطابق یوٹیلیٹی اسٹورز پر روزمرہ کی اشیائے ضروریہ آٹا، دالیں سب مہنگا فروخت ہو رہا ہے۔

دستاویز کے مطابق یوٹیلیٹی اسٹورز پر 20 کلو آٹا 2880 روپے میں فروخت ہو رہا ہے جب کہ یہی آٹا اوپن مارکیٹ میں 2817 روپے میں دستیاب ہے۔

اسی طرح دال مسور اوپن مارکیٹ میں 292 روپے 83 پیسے میں فروخت کی جا رہی ہے لیکن یوٹیلیٹی اسٹورز پر اس کی قیمت 305 روپے فی کلو ہے۔ 275 روپے فی کلو ملنے والی دال چنا عام مارکیٹ میں 242 روپے 28 پیسے میں با آسانی دستیاب ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں