پلاؤ چاولوں کی ایسی ڈش ہے جس میں مصالحوں کی مقدار بریانی کے مقابلے میں کم رکھی جاتی ہے اور یہ زود ہضم بھی ہوتا ہے۔ دنیا بھر میں پلاؤ کو مختلف طریقوں سے پکایا جاتا ہے۔
آج ہم آپ کو ازبک پلاؤ تیار کرنے کی ترکیب بتا رہے ہیں جو اپنی لذت کے باعث دنیا بھر میں نہایت مقبول ہے۔
اجزا
چکن: حسب ضرورت
چاول: 1 کلو
کابلی چنے: 1 پیالی
کشمش: کھانے کے چمچ
گاجر: 3 عدد
لہسن ادرک: پسا ہوا 1 کھانے کا چمچ
سیاہ زیرہ: 1 چٹکی
کالی مرچ: 12 عدد
پیاز: 4 عدد
ہری مرچ: 4 عدد
سفید سرکہ: 1 کھانے کا چمچ
نمک: حسب ذائقہ
کوکنگ آئل: 1 پیالی
ترکیب
چاولوں کو دھو کر 20 منٹ کے لیے بھگا دیں۔ کابلی چنے ابال لیں۔
ایک دیگچی میں تیل ڈال کر پیاز کو سنہری کرلیں۔
سنہری پیاز میں تھوڑا سا پانی ڈال کر اس میں چکن، ادرک لہسن، سیاہ زیرہ، اور کالی مرچ ڈال کر بھون لیں۔
جب پانی خشک ہو جائے تو ابلے چنے، چاول اور کشمش ڈال کر ہلکے ہاتھ سے تھوڑا بھون کر پانی ڈال دیں۔
پانی اتنا ڈالیں کہ چاول 1 انچ ڈوبے رہیں۔
سرکہ بھی ساتھ ڈال دیں۔
جب چاول کا پانی خشک ہو کر دم پر جائے تو دیگچی توے پر رکھ دیں اوپر سے پیاز، کشمش اور گاجر ڈال دیں۔ گاجر کو فنگر چپس کی طرح کاٹ کر پہلے فرائی کرلیں۔
دم ہونے کے بعد چولہے سے اتار لیں۔
گرما گرم مزیدار ازبک پلاؤ تیار ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
