The news is by your side.

Advertisement

عظمیٰ بخاری نواز شریف کے بارے میں کیا رائے رکھتی تھیں؟ پرانی ویڈیو وائرل

لاہور: مسلم لیگ ن کی رہنما عظمیٰ بخاری ماضی میں نواز شریف کے بارے میں کیا رائے رکھتی تھی، پرانی ویڈیو وائرل ہوگئی۔

تفصیلات کے مطابق مسلم لیگ ن کی رہنما عظمیٰ بخاری نے ماضی میں نواز شریف کو ’را‘ کا ایجنٹ قرار دیا تھا، ان کا کہنا تھا کہ نوا زشریف جیل سے بھاگے تھے۔

عظمیٰ بخاری کا ماضی میں کہنا تھا کہ جو زبان پاکستان کے خلاف بھارت اور بھارتی میڈیا استعمال کرتا تھا آج وہ خاموش ہے اور وہی زبان نواز شریف استعمال کررہے ہیں یقیناً یہ پوری قوم کو سمجھ میں آرہا ہے۔

اب سے کچھ دیر قبل عظمیٰ بخاری کا کہنا تھا کہ آر ٹی ایس بند نہ ہوتا تو آپ لوگ جیت بھی نہیں سکتے تھے، فواد چوہدری کا تعلق نہ سائنس سے اور نہ ہی ٹیکنالوجی سے ہے۔

مسلم لیگ ن کی رہنما کا کہنا تھا کہ 169 مسترد حلقوں کی تعداد جیت کے مارجن سے زیادہ تھی، ووٹ مسترد کرانے کے لیے دھڑا دھڑ ٹھپے لگوائے گئے، ہم نے 14 حلقے کھولنے کی درخواست کی تھی، ہماری درخواست پر کہا گیا کہ حلقے کھولنے کی بات سیاسی بیان تھی۔

عظمیٰ بخاری کا کہنا تھا کہ ہم چاہتے ہیں کہ اخلاقیات کے دائرے میں بات کی جائے، ہمیں ایٹمی بم سے متعلق کسی سرٹیفکیٹ کی ضرورت نہیں، ہم نے سیاست میں جو غلطیاں کیں وہ دہرانا نہیں چاہتے۔

Comments

یہ بھی پڑھیں