The news is by your side.

Advertisement

ویکسی نیشن سینٹرز میں ویکسین نایاب

لاہور: صوبہ پنجاب کے دارالحکومت میں ویکسی نیشن سینٹرز پر کورونا ویکسین نایاب ہوگئی۔

تفصیلات کے مطابق لاہور کے جناح، جنرل اسپتال اور سروسز اسپتال میں ویکسین کا ذخیرہ ختم ہوگیا۔ مختلف شہروں سے آئے لوگ ویکسین لگائے بغیر واپس جانے پر مجبور ہیں۔

شہریوں کا کہنا ہے کہ ویکسین لگوانے کا میسج آیا جب اسپتال پہنچے تو ویکسین موجود ہی نہیں تھی۔

انہوں نے بتایا کہ حکومت ویکسین لگوانے پر زور دے رہی ہے دوسری جانب ویکسین نہیں، ویکسی نیشن سینٹرز میں صرف فائزر کی دوسری خوراک دستیاب ہے۔

لاہور ایکسپو سینٹر میں ویکسین دستیاب ہونے کے باعث شہریوں کو مشکلات کا سامنا ہے۔

ملک میں کورونا کے 3613 نئے کیسز رپورٹ، 57 اموات

دوسری جانب ملک میں گزشتہ چوبیس گھنٹوں کے دوران کوروناوائرس کے 3613 نئے کیسز رپورٹ ہوئے اور 57 مریضوں کی اموات ہوئی ہیں۔

نیشنل کمانڈ اینڈ آپریشن سینٹر(این سی او سی) نے ملک میں کورونا صورت حال سے متعلق تازہ اعدادوشمار جاری کردیے جن میں کہا گیا ہے کہ 24 گھنٹے میں 57ہزار131ٹیسٹ کیے گئے۔

Comments

یہ بھی پڑھیں