کویت سٹی : کویتی حکومت نے اعلان کیا ہے کہ موسمی فلو کی دستیاب ویکسین پہلے کویتی شہریوں کو دی جائے گی۔
غیر ملکی خبر رساں ادارے کی رپورٹ کے مطابق کویتی حکومت نے گوداموں میں موجود ویکسین سے متعلق یہ اعلان کیا تاہم نئی ویکسینوں کی متوقع کھیپ زیادہ سے زیادہ افراد کو دی جائے گی۔
حکومت نے واضح کیا کہ ملک میں آنے والے تارکین وطن کی بڑی تعداد بھی مستقبل میں ویکسین وصول کرسکے گی۔
وزارت صحت نے اعلان کیا کہ صحت مراکز کو ویکسین وصول ہوئی ہے تاہم اس میں سے مختلف علاقوں میں واقع میڈیکل سینٹرز کی نرسنگ باڈیز اور اسٹاف کےلیے 5، 5 ہزار ڈوز مختص کی گئی ہیں۔
وزارت صحت کا کہنا تھا کہ رواں برس موسمی فلو کی ویکسین لینا بہت ضروری ہے کیونکہ فلو اور کرونا وائرس مشترکہ علامات رکھتے ہیں۔
انہوں نے مزید کہا کہ انفلوئنزا کے خلا مکمل تحفظ فراہم کرنے سے قبل ویکسین کو دو ہفتوں تک کی مدت درکار ہوگی، اس کے بعد ہی مثبت نتائج سامنے آئیں گے۔
