سعودی عرب نے کورونا ویکسین کی آمیزش سے متعلق عالمی ادارہ صحت کی تشویش کو مسترد کرتے ہوئے ویکسینز کے ملاپ کو محفوظ قرار دے دیا۔
سعودی وزارت صحت کے ترجمان ڈاکٹر محمد العبد العالی نے کہا ہے کہ مملکت میں منظور شدہ ویکسین کی آمیزش کے محفوظ ہونے کی تصدیق کرتے ہیں۔
ٹوئٹر پر جاری بیان میں انہوں نے کہا کہ عالمی ادارہ صحت کی ویکسین کی آمیزش سے متعلق مؤقف درست نہیں، بین الاقوامی تحقیق اور مختص سائنسی کمیٹیوں کی بنیاد پر ہم باور کراتے ہیں کہ سعودی عرب میں ہمارے پاس منظور شدہ ویکسینز کی آمیزش محفوظ ہے یہ اقدام عالمی ادارہ صحت اور کئی ملکوں میں منظور شدہ ہے۔
يتم تداول تفسيرات غير صحيحة في وسائل الإعلام عما صدر من منظمة الصحة العالمية حول خلط اللقاحات.
ونؤكد مأمونية الخلط للقاحات المعتمدة لدينا بالمملكة وذلك بناءً على الأبحاث الدولية واللجان العلمية المختصة، وهو إجراء مقر من منظمة الصحة العالمية وفي العديد من دول العالم.— المتحدث الرسمي لوزارة الصحة (@spokesman_moh) July 13, 2021
سعودی عرب کا یہ بیان عالمی ادارہ صحت کی جانب سے ویکسینز کی آمیزش کو خطرناک رجحان قرار دیے جانے کے بعد سامنے آیا ہے۔
ڈبلیو ایچ او کی چیف سائنسدان ڈاکٹر سومیا سوامی ناتھن نے کہا تھا کہ لوگوں میں بڑھتے ہوئے مختلف اقسام کی کورونا ویکسین کے ملاپ کے رجحانات صحت کے لیے انتہائی خطرناک ثابت ہو سکتے ہیں۔
یورپی یونین کی ادویات کے حوالے سے فیصلے کرنے والی ایجنسی نے کہا ہے کہ منظور شدہ کسی بھی ویکسین کی دو خوراکیں کورونا کی ڈیلٹا قسم سے بھی زیادہ سے زیادہ حفاظت کرتی ہیں۔
ویکسین کی آمیزش: عالمی ادارہ صحت کا انتباہ
انہوں نے کہا کہ محدود ڈیٹا کی بنیاد پر مختلف اقسام کی ویکسین کی آمیزش کے نتائج طبی لحاظ سے مضرصحت ہو سکتے ہیں۔
آن لائن بریفنگ میں ڈاکٹر سومیا سوامی ناتھن نے لوگوں میں الگ الگ دواساز کمپنیوں کی ویکسین کو ملانے کا رجحان بغیر کسی ٹھوس شواہد اور کم تجرباتی ڈیٹا کی بنیاد پر پروان چڑھ رہا ہے یہ ممالک میں انتشار کی صورتحال کو جنم دے سکتا ہے کہ شہری اپنے طور پر فیصلہ کرنے لگ جائیں کہ کون دوسری، تیسری اور چوتھی اور کس قسم کی خوراک لے گا۔
