The news is by your side.

ورون دھون کا دل بھی ٹوٹ گیا

بھارتی فلمی دنیا کے نامور اداکار ورون دھون کا بھی دل ٹوٹ گیا انہوں نے انگلینڈ سے شرمناک شکست کو ’’دل توڑنے والا‘‘ سیمی فائنل قرار دے دیا۔

ٹی 20 ورلڈ کپ کے سیمی فائنل میں بھارت کی شکست سے جہاں انڈیا میں صدمے کی کیفیت ہے اور ہر کرکٹ شائق اداس ہے وہیں اس ہار نے شوبز انڈسٹری بھی اداس ہے، بالی ووڈ کے چاکلیٹی ہیرو ورن دھون کا دل بھی توڑ دیا ہے۔

بھارتی ہار کے بعد میڈیا کے نمائندوں سے بات چیت کرتے ہوئے ورون دھون نے اسے ’’دل توڑنے والا سیمی فائنل قرار دیا اور کہا کہ کیا کہوں یار، دل توڑنے والا تھا۔

ٹی وی اداکار نکل مہتا نے بھی ہندوستان کی شکست پر مایوسی کا اظہار کیا ہے، انھوں نے انسٹاگرام اکاؤنٹ پر ایک ویڈیو شیئر کیا ہے۔ اس ویڈیو مین نکل مہتا اور دشا پرمار ’بڑے اچھے لگتے ہیں 2‘ کے کرو ممبرز کے ساتھ ہندوستان بمقابلہ انگلینڈ میچ دیکھ رہے تھے۔ ویڈیو میں ہندوستان کی شکست دیکھ کر سبھی افسردہ دکھائی دے رہے ہیں۔ دشا پرمار میچ ختم ہونے کے بعد کہتی ہیں ’’چلو یار شوٹنگ ہی کر لیتے ہیں۔‘‘ وہاں موجود ایک دیگر شخص نے کہا ’’میں گھر ہی چلا جاتا ہوں۔‘‘ آخر میں نکل مہتا کہتے ہیں ’’میں پاکستان جا رہا ہوں۔ وہی جیتیں گے۔‘‘ حالانکہ ویڈیو کے کیپشن میں لکھا ہے ’’کوئی نہیں رو رہا ہے۔‘‘

واضح رہے کہ ٹی 20 ورلڈ کپ کے دوسرے سیمی فائنل میں انگلینڈ نے بھارت کو 10 وکٹوں سے شرمناک شکست سے دوچار کرکے خالی ہاتھ وطن واپس لوٹنے پر مجبور کردیا۔

یہ بھی پڑھیں: شرمناک ہار پر بھارتی میڈیا ہوش کھو بیٹھا، ایک نیا الزام لگا دیا

پاکستان اور انگلینڈ اتوار 13 نومبر کو ملیبرن کرکٹ گراؤنڈ میں فائنل میں ایک دوسرے کے مدمقابل ہوں گے۔

Comments

یہ بھی پڑھیں