کراچی: پاکستانی اداکار و میزبان واسع چوہدری بھی کرونا وائرس کا شکار ہوگئے۔
تفصیلات کے مطابق پاکستانی اداکار و میزبان واسع چوہدری نے سماجی رابطے کی ویب سائٹ انسٹاگرام پر بتایا کہ ان کا کرونا ٹیسٹ مثبت آیا ہے جس بعد انہوں نے خود کو قرنطینہ کرلیا ہے۔
واسع چوہدری کا کہنا تھا کہ انہیں کرونا کی کوئی علامات ظاہر نہیں ہورہی ہیں، ان کا کہنا تھا کہ اہلخانہ کا بھی کرونا ٹیسٹ کرایا تھا سب کے نتائج منفی آئے ہیں۔
ان کا کہنا تھا کہ جن سب سے میں رابطے میں رہا ان کو پہلے ہی بتادیا ہے کہ تاکہ وہ بھی اپنا کرونا ٹیسٹ کروالیں یا ضرورت ہو تو خود کو آئسولیٹ کرلیں۔
واضح رہے کہ ملک میں کرونا کیسز کی تعداد بڑھتی جارہی ہے جس کی لپیٹ میں کئی شوبز ستارے بھی آچکے ہیں۔
اس سے قبل شوبز ستاروں کی جانب سے اداکارہ روبینہ اشرف کی جلد صحت یابی کے لیے دعا کی درخواست کی گئی تھی، اداکارہ روبینہ اشرف میں کرونا کی تشخیص ہوئی تھی انہیں طبیعت بگڑنے پر آئی سی یو میں منتقل کردیا گیا ہے۔
علاوہ ازیں اداکارہ سکینہ سموں اور ابرار الحق میں بھی کرونا وائرس کی تشخیص ہوئی تھی۔