کراچی میں ہلکی بارش‘ کےالیکٹرک کی ٹرانسمیشن لائن ٹرپ کرگئی -
The news is by your side.

Advertisement

کراچی میں ہلکی بارش‘ کےالیکٹرک کی ٹرانسمیشن لائن ٹرپ کرگئی

شہر کا بڑا حصہ بجلی سے محروم

کراچی : شہر قائد میں ہلکی بارش کے بعد کے الیکٹرک کی ٹرانسمیشن لائن ٹرپ کرگئی، شہر کے بیشترعلاقوں میں بجلی کی فراہمی معطل ہوگئی۔

تفصیلات کے مطابق کراچی کو بجلی فراہم کرنے والے ادارے کے الیکٹرک کی ٹرانسمیشن لائن ٹرپ ہونے کے باعث شہر کے بیشترعلاقے بجلی سے محروم ہوگئے۔

کے الیکٹرک کی ٹرانسمیشن لائن ٹرپ ہونے سے ڈیفنس، کلفٹن، گارڈن، کھارادار، گلستان جوہر، گلشن اقبال، طارق روڈ، سولجربازار میں بجلی کی فراہمی معطل ہوگئی۔

ناظم آباد، بہادرآباد، کورنگی، صدر، لانڈھی، کے علاقے بھی متاثرہ علاقوں میں شامل ہیں، بجلی نہ ہونے کے باعث شہریوں کو شدید مشکلات کا سامنا ہے۔

ترجمان کے الیکٹرک کا کہنا ہے کہ ٹرانسمیشن لائن ٹرپ ہونے کے باعث شہر میں بجلی کی فراہمی معطل ہوئی، متاثرہ علاقوں میں بجلی کی بحالی کا عمل تیزی سے جاری ہے۔

Comments

comments

یہ بھی پڑھیں