'بک گئی ہے یہ عائشہ گلالئی' ، وینا ملک -
The news is by your side.

Advertisement

‘بک گئی ہے یہ عائشہ گلالئی’ ، وینا ملک

لاہور : پاکستانی اداکارائیں وینا ملک اور ماہرہ خان عائشہ گلالئی کے عمران خان کے الزامات کے بعد برس پڑیں۔

تفصیلات کے مطابق پاکستانی اداکارہ وینا ملک نے سماجی رابطے کی ٹوئٹر پر عائشہ گلالئی کے الزامات پر درعمل کا اظہار کرتے ہوئے کہا کہ ’بک گئی ہے یہ عائشہ گلالئی‘۔

وینا ملک نے مزید کہا کہ جو لوگ عمران خان کو جانتے ہونگے وہ اس بات کا اعتراف کریں گے کہ وہ احترام اور وقار کی بہترین مثال اور اچھے انسان ہیں۔

انھوں نے مزید کہا کہ کوئی عورت اتنا گر سکتی ہے ، میرے لئے حیرت انگیز اور ناقابل یقین بات ہے۔

وینا ملک نے کہا کہ ایک عورت کا چند روپوں کیلئے اپنے اخلاقیات اور وقار کا سودا کرنا پشتونوں کی ثقافت، روایات اور غیرت کے منافی ہے۔

عائشہ گلالئی کے خلاف درعمل قابل افسوس ہیں، ماہرہ خان

دوسری جانب معروف ماڈل و اداکارہ ماہرہ خان نے عائشہ گلالئی اور انکی بہن کیخلاف سوشل میڈیا پر چلائی جانے والی مہم سے متعلق افسوس کا اظہار کیا۔

ماہرہ خان نے سماجی رابطے کی ویب سائٹ ٹوئٹر پر پر اپنے پیغام میں کہا کہ عائشہ گلالئی کیخلاف جس قسم کے ردعمل کا اظہار کیا جا رہا ہے، وہ لوگوں کی ذہنیت کا عکاسی کرتا ہے ۔

انہوں نے مزید کہا کہ وہ سچ کہہ رہی یا جھوٹ جلد دنیا کے سامنے آجائے گا لیکن یہ پریشان کن بات ہیں کہ ہم کس طرح عائشہ گلالئی کیخلاف درعمل کا اظہار کریں۔

واضح رہے کہ عائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام عمران خان اور رہنماؤں کے کردار پرانگلی اٹھائی تھی۔

عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے، پارٹی میں اخلاقیات نہیں اس لیے چھوڑنے کا فیصلہ کیا، تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں