The news is by your side.

Advertisement

وینا ملک نے بھارت کو عالمی دہشت گرد قرار دے دیا

کراچی : سری لنکا میں ایسٹر دھماکوں میں بھارت کے ملوث ہونے کی خبر کے بعد اداکارہ وینا ملک نے بھارت کو عالمی دہشت گرد قرار دے دیا۔

تفصیلات کے مطابق سری لنکا میں ایسٹر دھماکوں میں بھارت کے ملوث ہونے کی خبر نے میڈیا میں ہلچل مچا دی، اس رپورٹ کے منظرعام پر آنے کے بعد اداکارہ وینا ملک نے سماجی رابطے کی ویب سائٹ ٹوئٹر پر بھارت کو عالمی دہشت گرد قرار دے دیا اور دہشت گردی کی شدید مذمت کی۔

یاد رہے بھارتی میڈیا کی رپورٹ کے مطابق خودکش دھماکوں کے ماسٹر مائنڈ زاہران ہاشمی سری لنکا میں توحید جماعت کا اہم ممبر تھا، زہران ہاشم کو بھارت میں ہی تربیت دی گئی اور اس نے کافی عرصہ جنوبی بھارت میں بھی گزارا۔

رپورٹ میں کہا گیا تھا زہران ہاشم کے کئی مرتبہ بھارت جانے کے ثبوت بھی مل گئے، زہران ہاشم کو بھارتی اداروں کی بھرپور مدد حاصل تھی۔

مزید پڑھیں : سری لنکادھماکے : مرکزی ملزم ظہران ہاشم کی بھارت میں تربیت کاانکشاف

اسے قبل صدر میتھری پالا نے ہنگامی پریس کانفرنس میں سری لنکا میں گرجا گھروں اور ہوٹلوں پر خود کش حملے کے ماسٹر مائنڈ زہران ہاشم کے ہلاک ہونے کی تصدیق کی تھی جبکہ اس کے ساتھ ایک اور دہشت گرد الحام بھی وہاں موجود تھا۔

زہران ہاشم مقامی شدت پسند تنظیم التوحید کے اہم رہنماؤں میں سے ایک ہیں تاہم داعش کی جانب سے حملے کی ذمہ داری قبول کرنے کی ویڈیو میں زہران ہاشم کو دیگر 6 نقاب پوش جنگجوؤں کے ساتھ دیکھایا گیا تھا۔

واضح رہے کہ ایسٹر کے موقع پر ہونے والے سری لنکا دھماکوں میں ہلاکتوں کی تعداد 359 تک پہنچ گئی ، دھماکوں کے بعد یہ بات سامنے آئی تھی کہ انٹیلی جنس ایجنسیز نے خبردار کیا تھا کہ نیشنل توفیق جماعت حملوں کی منصوبہ بندی کررہی ہے، لیکن یہ معلومات وزیراعظم کے دفتر میں دھماکوں کے بعد موصول ہوئیں۔

Comments

comments

یہ بھی پڑھیں