The news is by your side.

Advertisement

جنرل راحیل شریف اورعدلیہ کے ہوتے ہوئے محفوظ ہوں، وینا ملک

اسلام آباد : معروف ماڈل اور اداکارہ وینا ملک نے کہا ہے کہ جنرل راحیل شریف نے پاکستانیوں کو نیا پاکستان دیا ہے۔

دبئی سے تین سال بعد وطن واپسی کے موقع پر اسلام آباد ائرپورٹ پر میڈیا سے گفتگو کرتے ہوئے ان کا کہنا تھا کہ ان پر بے بنیاد مقدمات بنائے گئے تاہم جنرل راحیل شریف اورعدلیہ کے ہوتے ہوئے وہ اپنے آپ کو محفوظ سمجھتی ہیں۔

ان کا کہنا تھا کہ جنرل راحیل شریف نے پاکستانیوں کو نیا پاکستان دیا ہے، انہوں نے  مزید کہا کہ میرا جینا مرنا پاکستان کے ساتھ ہے، تین سال بعد وطن واپس آکر بہت خوشی ہورہی ہے۔

وینا ملک نے کہا کہ وہ کمرشل فلموں میں کام نہیں کریں گی ٹی وی سے تعلق برقرار رہے گا۔ انہوں نے بتایا کہ شہداء اے پی ایس اور آپریشن ضرب کے لئے نیا گانا بنایا ہے۔ جکو بہت جلد آن ایئر ہوگا۔

ایک سوال کے جواب میں ان کا کہناتھا کہ میرا سیاست میں آنے کا کوئی ارادہ نہیں۔

Comments

comments

یہ بھی پڑھیں