site
stats
انٹرٹینمںٹ

وینا ملک کا فوج کو خراج تحسین پیش کرنے کے لیے نغمہ

معروف اداکارہ اور گلوکارہ وینا ملک نے پاک فوج کو خراج تحسین پیش کرنے اور ملک سے اظہار محبت کے لیے ایک اور ملی نغمہ جاری کردیا۔

وینا کے نغمہ ’اے دشمن وطن ذرا ہوجا ہوشیار‘ میں پاک فوج کی جدوجہد اور بہادری کو دکھایا گیا ہے کہ کس طرح وہ دشمنوں کے خلاف سر دھڑ کی بازی لگائے ہوئے ہیں۔


مکمل ملی نغمہ دیکھنے کے لیے کلک کریں


ملی نغمے کی موسیقی عرفان سلیم نے ترتیب دی ہے جبکہ شاعری لیفٹیننٹ کرنل ریٹائرد کاظم حسین شاہ نے کی ہے۔

گانے کے شاعر لیفٹیننٹ کرنل ریٹائرد کاظم حسین شاہ کا کہنا ہے کہ وینا آپریشن رد الفساد کے حوالے سے پاک فوج کی قربانیوں کو خراج تحسین پیش کرنا چاہتی تھیں اور یہ نغمہ اسی لیے جاری کیا گیا ہے۔

یاد رہے کہ اس سے قبل 23 مارچ کو یوم پاکستان کے موقع پر بھی وینا ملک اور ان کے شوہر اسد خٹک ایک ملی نغمہ جاری کر چکے ہیں جس میں پاکستان کی ثقافت، خوبصورت مقامات اور نمایاں کارکردگی دکھانے والی شخصیات کو پیش کیا گیا تھا۔

مزید پڑھیں: وینا ملک اور اسد خٹک کا ملی نغمہ

وینا ملک اور اسد خٹک اپنے ذاتی اختلافات، طلاق اور صلح کے معاملات کی وجہ سے پہلے ہی خبروں کی زینت بنے ہوئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top