The news is by your side.

Advertisement

وینا ملک نے ریحام خان کو ڈرامہ کوئین قرار دے دیا

کراچی: پاکستانی اداکارہ وینا ملک نے وزیراعظم عمران خان کی سابقہ اہلیہ ریحام خان کو ڈرامہ کوئین قرار دے دیا۔

تفصیلات کے مطابق اے آر وائی نیوز کے مقبول پروگرام ’ہر لمحہ پرجوش‘ کے کٹہرے میں تنازعوں پر کھل کر بات کرتے ہوئے وینا ملک نے ریحام خان کو ڈرامہ کوئین قرار دے دیا۔

وینا ملک نے میزبان وسیم بادامی کے چبھتے سوالات کے جوابات دیتے ہوئے کہا کہ بھارت میں کام کرنا بہت بڑی غلطی تھی مگر بگ باس میں جانے پر شرمندگی نہیں ہے۔

انہوں نے کہا کہ بھارت میں ہونے والے متنازعہ فوٹو شوٹ پر بھارت میں کیس بھی کیا تھا، بھارتی فلموں میں جتنا چاہے کام کرلیں لیکن میری پہچان پاکستان ہے اور بھارت میں مجھے یاد نہیں رکھا جائے گا تاہم پاکستانی مجھے ہمیشہ یاد رکھیں گے۔

وینا ملک نے ایک سوال کے جواب میں کہا کہ مولانا طارق جمیل سے دو ماہ قبل ملاقات ہوئی تھی میں نے ان سے روتے ہوئے کہا کہ آپ سے تین وعدے کیے تھے پہلا یہ کہ ’میں کسی بیکار سی فلم میں کام نہیں کروں گی۔‘ وہ میں نے پورا کیا۔

اداکارہ نے دوسرے وعدے کا ذکر کرتے ہوئے کہا کہ ’میں کوئی برے اور بولڈ کپڑے نہیں پہنوں گی وہ بھی میں نے پورا کردیا۔‘

تیسرے وعدے پر وینا ملک نے کہا کہ میں نے ان سے کہا تھا کہ میرے سر سے دوپٹہ نہیں اترے گا، یہ وعدہ مجھ سے پورا نہیں ہوسکے گا لیکن میں جب بھی سفر کرتی ہوں برقع پہنتی ہوں اور دوپٹہ مجھے بہت پسند ہے، میں چھ مہینے بعد یہ وعدہ بھی پورا کردوں گی۔

پروگرام میں شفاعت علی نے صحافی سہیل وڑائچ کا روپ دھارا اور وینا ملک کی فلم کے ہیرو بنے، وینا ملک سے جب پوچھا گیا کہ سہیل وڑائچ کے ساتھ ہیروئن آنا قبول ہے جس پر وینا نے کہا کہ میں ایک بار قبول ہے کہہ کر پچھتا رہی ہوں دوسری بار نہیں کہنا چاہتی۔

Comments

comments

یہ بھی پڑھیں