The news is by your side.

Advertisement

جھوٹے الزامات : ادکارہ وینا ملک کا سابق شوہر کیخلاف 100 کروڑ روپے ہرجانہ کا دعوی دائر

لاہور : ادکارہ وینا ملک نے سابق شوہر اسد خٹک کے خلاف سو کروڑ روپے ہرجانہ کا دعوی دائر کردیا، جس میں کہا سابق شوہر جھوٹے الزامات عائد کرکے شہرت  متاثر کررہا ہے۔

تفصیلات کے سیشن عدالت لاہور میں معروف ادکارہ وینا ملک نے الزامات عائد کرنے پر سابق شوہر اسد خٹک کے خلاف ہتک عزت کا دعوی دائر کردیا ، جس میں موقف اختیار کیا ہے کہ سابق شوہر اسد خٹک نے شوشل میڈیا اور میڈیا پر میرے خلاف جھوٹے الزامات عائد کررہا ہے، سابق شوہر سے خلع لے رکھی ہے بچوں کو عدالت نے میرے حوالے کیا۔

درخواست میں کہا گیا کہ سابق شوہر جھوٹے الزامات عائد کرکے شہرت متاثر کررہا ہے اور بلیک میل کرنے کے لیے الزامات عائد کررہا ہے،عدالت اسد خٹک کو سو کروڑ روپے ہرجانے ادا کرنے کا حکم دے-

یاد رہے اداکارہ وینا ملک کے شوہر اسد خٹک نے الزام عائد کیا تھا کہ وینا نے ان کے بچوں کو غیرقانونی طور پر پاکستان اسمگل کیا اور غیر قانونی طور پر بچے دبئی سے پاکستان لے گئی۔

مزید پڑھیں : اداکارہ وینا ملک پر اپنے ہی بچے اغوا کرنے کا الزام

اسد خٹک کا کہنا تھا کہ وینا نے ڈیڑھ سال سے مجھے بچوں سے ملنے دیا نہ بات کرنے دی، بہت صبر کیا مگر اب پیمانہ لبریز ہوچکا، آخر کار تنگ آکر قانونی راستہ اپنایا، دبئی کورٹ نے بھی میرے حق میں فیصلہ دیا ہے۔

دوسری جانب وینا ملک نے بھی الزام کا جواب دیتے ہوئے اپنے ٹوئٹر پیغام میں کہا تھا کہ قانون اور شریعت کی رو سے 25.09.2019 سے بچوں کی سر پرستی میرے پاس ہے، ساتھ ہی انہوں نے اپنے طلاق نامے کی کاپی بھی شیئر کی۔

واضح رہے کہ اسد خٹک اور وینا ملک کی شادی سال2013 میں دبئی میں ہوئی تھی, وینا ملک کے ٹوئٹر اکاؤنت کے مطابق ان کی طلاق 2017میں ہوچکی ہے

Comments

یہ بھی پڑھیں