تہران(17 اپریل 2026): ایرانی تخلیق کاروں کی جانب سے تیار کردہ مصنوعی ذہانت پر مبنی لیگو طرز کی ویڈیوز نے عالمی سطح پر غیر معمولی مقبولیت حاصل کرلی۔
قطر کے عالمی نشریاتی ادارے الجزیرہ ٹی وی کی ایک رپورٹ کے مطابق ایرانی تخلیق کاروں کی جانب سے تیار کردہ مصنوعی ذہانت پر مبنی لیگو طرز کی ویڈیوز نے عالمی سطح پر غیر معمولی مقبولیت حاصل کر کے ڈیجیٹل محاذ پر بیانیے کی جنگ جیت لی ہے۔
الجزیرہ کی رپورٹ کے مطابق ان ویڈیوز میں امریکی صدر ڈونلڈ ٹرمپ اور اسرائیلی وزیراعظم نیتن یاہو کو انتہائی طنزیہ اور دلچسپ انداز میں پیش کیا گیا ہے۔
For all the crimes you committed against humanity,
for all the voices you silenced,
and for all the children whose play was left unfinished—Once and for all
ONE VENGEANCE FOR ALL. pic.twitter.com/7JugYm2YU4
— Explosive Media (@ExplosiveMediaa) March 28, 2026
ویڈیوز کے اختتام پر "ONE VENGEANCE FOR ALL” (سب کے لیے ایک ہی انتقام) کا پیغام نمایاں طور پر دکھایا گیا ہے، جس نے دیکھنے والوں کی بھرپور توجہ حاصل کی۔
ماہرین کا کہنا ہے کہ ان کم لاگت مگر اعلیٰ معیار کی ویڈیوز نے عالمی رائے عامہ، خاص طور پر نوجوان نسل کو بے حد متاثر کیا ہے۔ ان ویڈیوز میں امریکی سیاست کی اندرونی تقسیم، جنگی تباہی اور مغربی پالیسیوں پر بھرپور تنقید کو میمز اور اے آئی کے ذریعے اجاگر کیا گیا ہے۔
The veil is thinning.
Good. Evil.Time is running out.
Choose your side.— Explosive Media (@ExplosiveMediaa) April 2, 2026
الجزیرہ کے مطابق سوشل میڈیا پلیٹ فارمز پر ایرانی مواد پر پابندیوں کے باوجود یہ ویڈیوز تیزی سے وائرل ہوئیں اور مختلف پلیٹ فارمز پر پھیلتی رہیں۔
عالمی ماہرین کے مطابق یہ پیش رفت ظاہر کرتی ہے کہ ڈیجیٹل جنگ اب روایتی جنگ جتنی ہی اہم بنتی جا رہی ہے اور ایران نے اس محاذ پر امریکا کے خلاف اپنا بیانیہ منوانے میں بڑی کامیابی حاصل کی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں