The news is by your side.

Advertisement

شمالی کوریا کے سربراہ نے جنوبی کوریا سے معذرت کرلی

شمالی کوریا کے سربراہ کم جونگ ان نے ماہی گیر عہدیدار کی ہلاکت پر جنوبی کوریا سے معذرت کر لی۔

بین الاقوامی میڈیا رپورٹس کے مطابق کم جونگ ان نے جنوبی کوریائی صدر کے نام باضابطہ خط لکھ کر پیغام بھجوایا کہ وہ اس افسوسناک واقعے پر معذرت کرتے ہیں۔

پیغام میں کہا گیا کہ شمالی کوریائی محافظوں کی جانب سے جنوبی کوریا کے ماہی گیر عہدیدار کی ہلاکت پر کم جونگ ان معذرت خواہ ہیں۔

چند روز قبل جنوبی کوریا کے ایک ماہی گیر عہدیدار کی کشتی 10 کلومیٹر فاصلے پر شمالی کوریا کی سمندری حدود میں پائی گئی تھی اور اس متنازع علاقے میں شمالی کوریا کے اہلکاروں نے گولیاں چلا دیں تھی۔

کم از کم دس گولیاں ماہی گیر کو لگیں اور بعد ازاں لاش کو جلا دیا گیا تھا۔ واقعے پر جنوبی کوریائی صدر پر شدید سیاسی دباؤ تھا اور انہیں جواب نہ دینے پر شدید تنقید کا نشانہ بنایا جارہا تھا۔

Comments

یہ بھی پڑھیں