ممبئی: بالی ووڈ کے سینئر اداکار رمیش دیو 92 برس کی عمر میں انتقال کرگئے۔
بھارتی میڈیا کی رپورٹ کے مطابق بالی ووڈ کے سینئر اداکار رمیش دیو کی موت دل کا دورہ پڑنے سے ہوئی، اداکار کی موت کی اطلاع ان کے اہلخانہ نے مداحوں کو دی۔
رمیش دیو کے بیٹے اجینکیا نے کہا کہ ان کے والد عارضہ قلب میں مبتلا تھے اور ان کی بائی پاس سرجری بھی ہوئی تھی۔
انہوں نے بتایا کہ والد کو آج اسپتال لے کر گئے لیکن دل کا دورہ ان کے لیے جان لیوا ثابت ہوا اور وہ جانبر نہ ہوسکے، اداکار کی آخری رسومات کل ادا کی جائیں گی۔
اداکارہ مادھوری ڈکشت سمیت متعدد بھارتی فنکاروں نے اداکار رمیش دیو کی موت پر افسوس کا اظہار کیا ہے۔
Saddened to hear the news of evergreen personality, Shri. Ramesh Deo ji. Condolences to the family 🙏🏻 #RIP 🙏🏼 #RameshDeo sir 💐🙏
— Madhuri Dixit Nene (@MadhuriDixit) February 2, 2022
خیال رہے کہ اداکار رمیش دیو نے اپنے کیریئر میں 285 ہندی فلمیں کیں ہیں جبکہ 190 مراٹھی فلموں میں بھی کام کیا ہے اور اداکار 30 مراٹھی ڈراموں میں بھی اپنی اداکاری کے جوہر دکھا چکے ہیں۔
انہوں نے فیچر فلموں کی پروڈکشن کا بیڑا بھی اٹھایا تھا جبکہ انہوں نے ہدایتکاری کے فرائض بھی بخوبی انجام دیئے۔
