The news is by your side.

Advertisement

تجربہ کار لوگوں کو نااہلوں نے جیلوں میں بند کردیا، مولانا فضل الرحمان

سکھر: جمعیت علماء اسلام (ف) کے سربراہ مولانا فضل الرحمان نے کہا ہے کہ ہمیں فوری عام انتخابات چاہئیں، تجربہ کار لوگوں کو ان نااہلوں نے جیلوں میں بند کردیا ہے۔

تفصیلات کے مطابق سکھر میں میڈیا سے بات کرتے ہوئے مولانا فضل الرحمان نے کہا کہ کل کراچی کے مظاہرے میں شرکت کروں گا، ہم نے ملک کی معیشت کو بچانا ہے، قوم کے حقوق کی جنگ ہم لڑیں گے، ہم جس قانون اور آئین کا احترام کرتے ہیں اس کی قدر کرنا ہوگی ورنہ داستانوں میں ان کی داستان نہیں۔

مولانا فضل الرحمان نے کہا کہ تجربہ کار لوگوں کو ان نااہلوں نے جیلوں میں بند کردیا اس پارلیمنٹ میں قانون سازی کی صلاحیت نہیں ہے،ان کی نااہلی کا ایک ہی علاج ہے یہ اقتدار چھوڑ دیں۔

جے یو آئی کے سربراہ نے کہا کہ احتساب کےنام پرملک کی معیشت کاپہیہ جام کردیاگیاہے، نیب کو سیاستدانوں کےخلاف استعمال کیا جارہاہے ، ان کاکوئی حساب کتاب نہیں ہورہا،بات کرتےہیں ریاست مدینہ کی۔

انہوں نے کہا کہ5 سال سےالیکشن کمیشن پتہ نہیں کہاں سویاہواتھا، تبدیلی کی امیدمیں انہیں پیسےدینےوالوں کو آج افسوس ہے۔

ان کا کہنا تھا کہ ہماری خارجہ پالیسی کی بنیادمسئلہ کشمیرتھا مگر کشمیربھی بیچ دیا اور اب آنسوبہارہے ہیں ،آج پاکستان میں سرینگرحاصل کرنےکاتصورختم ہوچکاہے۔

fb-share-icon0
Tweet 20

Comments

comments

یہ بھی پڑھیں