The news is by your side.

Advertisement

وائس ایڈمرل اویس احمد بلگرامی نے بطور کمانڈر پاکستان فلیٹ کمانڈ سنبھال لی

کراچی : وائس ایڈمرل اویس احمد بلگرامی نے بطور کمانڈر پاکستان فلیٹ کمانڈ سنبھال لی ، اویس احمد بلگرامی متعدد کمانڈ اینڈ اسٹاف عہدوں پرتعینات رہ چکے ہیں۔

تفصیلات کے مطابق پاک بحریہ کے ترجمان کی جانب سے بیان میں کہا گیا ہے کہ پاک بحریہ میں کمانڈرپاکستان فلیٹ کی تبدیلی کمان کی تقریب ہوئی ، جس میں سبکدوش وائس ایڈمرل نوید اشرف نے کمانڈ وائس ایڈمرل اویس احمد کے حوالے کر دی۔

ترجمان پاک بحریہ کا کہنا ہے کہ تقریب میں نئے تعینات کمانڈر پاکستان فلیٹ کو گارڈآف آنرپیش کیا گیا۔

ترجمان کے مطابق اویس احمد بلگرامی نے 1989 میں پاک بحریہ کی آپریشنزبرانچ میں کمیشن حاصل کیا، وہ نیوی وار کالج اور نیشنل ڈیفنس یونیورسٹی اسلام آبادسےگریجویٹ ہیں۔

پاک بحریہ کا کہنا ہے کہ اویس احمد بلگرامی متعددکمانڈاینڈاسٹاف عہدوں پرتعینات رہ چکے ہیں، وہ کمانڈرکراچی کےفرائض انجام دےرہے تھے، ان کو ہلال امتیازملٹری سے بھی نوازاجاچکا ہے۔

Comments

یہ بھی پڑھیں