The news is by your side.

Advertisement

‘ شاندار فتح کی خوشی میں رات بھر سو نہ سکا ‘

کراچی: افغانستان کے خلاف قومی ٹیم کی شاندار فتح نے سوئنگ کے سلطان وسیم اکرم کی نیندیں اڑادیں۔

تفصیلات کے مطابق پاکستان کے پہلے ہائی ڈیفینیشن (ایچ ڈی) اسپورٹس چینل اے اسپورٹس پر گفتگو کرتے ہوئے کراچی کنگز کے صدر وسیم اکرم نے کہا کہ
قومی ٹیم بہت اچھا کھیل رہی ہے، افغانستان کے خلاف قومی ٹیم کی شاندار فتح کی خوشی میں رات بھر سو نہ سکا۔

اے اسپورٹس پر ٹی ٹوئنٹی ورلڈکپ کے پینل میں شامل قومی ٹیم کے سابق بولنگ کوچ وقار یونس نے بھی ٹیم کی بہترین کارکردگی پر خوشی کا اظہار کرتے ہوئے کہا کہ آصف علی کو مسلسل موقع دینا اچھی بات تھی۔

سابق ہیڈ کوچ قومی کرکٹ ٹیم مصباح الحق کا کہنا تھا کہ آصف علی اپناجارحانہ کھیل کھیل کر انجوائےکرتا ہے، وہ بہت خطرناک بیٹسمین ہیں۔

یہ بھی پڑھیں: پہلے ہی کہ دیا تھا کہ پاکستان کو کم نہ سمجھو، شعیب اختر

پینل میں شامل وہاب ریاض نے کہا کہ آصف علی کو بولنگ کرنا کسی بولر کیلئے مشکل ہوتا ہے۔

واضح رہے کہ اے اسپورٹس کے پینل میں نامور سابق کرکٹرز وسیم اکرم، وقار یونس، سابق کپتان مصباح الحق اور فاسٹ بولر وہاب ریاض شامل ہیں۔

وسیم اکرم اور وقار یونس ٹی ٹوئنٹی میچز کے دوران اپنے جاندار تجزیے پیش کرتے ہیں جبکہ قومی ٹیم کے سابق کپتان مصباح الحق اور فاسٹ بولر وہاب ریاض بھی اپنی ماہرانہ رائے پیش کرتے ہیں۔

Comments

یہ بھی پڑھیں