ریاض: سعودی عرب کے شہر تبوک میں ہولناک ٹریفک حادثہ پیش آیا جہاں 20 گاڑیاں آپس میں ٹکرا گئیں۔
غیرملکی خبررساں ادارے کی رپورٹ کے مطابق سعودی عرب کے شہر تبوک میں ٹریفک حادثے کے نتیجے میں 20 گاڑیاں آپس میں ٹکرا گئیں جس کی ویڈیو وائرل ہوگئی۔
حادثہ تبوک شہر کے کنگ فہد روڈ پر پیش آیا، ایک گاڑی کے ڈرائیور کی جانب سے بریک لگانے کے بعد پیچھے سے آنے والی گاڑیاں آپس میں ٹکرائیں۔
حادثے کے نتیجے میں گاڑیوں کو نقصان پہنچا، خوش قسمتی سے حادثے میں کوئی شخص زخمی نہیں ہوا۔
ویڈیو میں دیکھا جاسکتا ہے متعدد گاڑیاں آپس میں ٹکرائی ہوئی ہیں اور دوسرے ٹریک پر ٹریفک رواں دواں ہے، جبکہ مذکورہ پل کو دو ماہ قبل ہی کھولا گیا تھا۔
وقع حادث تصادم، صباح اليوم، لأكثر من عشرين سيارة على امتداد طريق الملك فهد في مدينة تبوك السعودية، نتيجة الوقوف المفاجئ، ولم ينتج عنه إصابات بشرية. pic.twitter.com/AUKx1vD8IB
— مصدر (@MSDAR_NEWS) February 3, 2020
رپورٹ میں بتایا گیا ہے روزانہ کی بنیاد میں ہزاروں افراد تبوک شہر میں چھٹیاں منانے کی غرض سے آتے ہیں۔
