بھارت میں ڈاکٹر کی غفلت کے باعث دل کے عارضے میں مبتلا معمر خاتون چل بسی۔
بھارتی میڈیا رپورٹ کے مطابق افسوسناک واقعہ اترپردیش کے ضلع مین پوری میں قائم نجی اسپتال میں پیش آیا جہاں بزرگ خاتون کو دل کی تکلیف کی وجہ سے اسپتال منتقل کیا گیا تھا۔
ڈیوٹی پر موجود ڈاکٹر مریض کے بجائے سوشل میڈیا پر ریلز دیکھنے میں مصروف تھا جس کی وجہ سے پرویش کماری زندگی کی بازی ہار گئی، خاتون کی عمر 60 سال تھی۔
ڈاکٹر کی غفلت کی ویڈیو اسپتال میں لگے سی سی ٹی وی کیمرے میں محفوظ ہوگئی۔
ویڈیو میں دیکھا جاسکتا ہے کہ خاتون بے یارو مددگار موجود ہے اور ڈاکڑ کی غفلت کی وجہ سے بزرگ خاتون علاج نہ ہونے کی وجہ سے چل بسی۔
بزرگ خاتون کی موت کے بعد بیٹے نے شور مچایا تو ڈاکٹر نے الٹا اس پر ہی تھپڑ جڑ دیا۔
پولیس نے غفلت برتنے پر ڈاکٹر کو گرفتار کرکے اس کیخلاف مقدمہ درج کرلیا اور کارروائی کا آغاز کردیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں