The news is by your side.

ویڈیو: شادی کی تقریب میں دُلہے کی تابوت میں انٹری

آپ نے دلہا دلہن کی ایک سے بڑھ کر ایک اور انوکھی انٹری تو دیکھی ہی ہوگی لیکن کیا آپ نے کبھی تابوت میں دلہن یا دولہے کی انٹری دیکھی ہے۔

شادی کا دن تو سب کے لیے خوشی کا دن ہوتا ہے لیکن امریکا میں ایک شخص نے اپنی شادی کی تقریب میں کچھ ایسے انداز میں جانے کا فیصلہ کیا کہ جان کر آپ یہ فیصلہ نہ کر پائیں کہ اس کی شادی کی خوشی منائی جانی چاہیے یا اس کی سوچ پر ماتم کیاجانا چاہیے۔

ویڈیو میں دیکھا جاسکتا ہے کہ شادی میں دلہے کو تابوت میں رکھ کر شادی ہال پہنچایا گیا، جہاں پر موجود مہمان یہ منظر دیکھ کر حیران و پریشان ہوئے بغیر نہ رہ سکے۔

ویڈیو میں دیکھا جاسکتا ہے کہ دلہے کے لیے بنائے گئے کالے رنگ کے تابوت کو اس کے دوستوں نے وین سے نکالا اور مہمانوں کے لیے لگائی گئی کرسیوں کے درمیان سے گزرتے ہوئے اسے سٹیج کے قریب رکھ دیا۔

شادی میں شریک مہمان تابوت کو دیکھ کر سمجھے کہ اس کے اندر لاش ہے، تاہم جب انہوں نے تابوت میں سے دلہے کو نکلتے دیکھا تو حیران رہ گئے۔

شادی میں شریک ایک شخص نے اس پورے منظر کی ویڈیو بنائی اور سوشل میڈیا پلیٹ فارم ٹک ٹاک پر اپ لوڈ کر دی، جہاں اسے لاکھوں لوگوں نے دیکھا، کسی نے پسندیدگی کا اظہار کیا تو کسی نے تنقید کیا۔

Comments

یہ بھی پڑھیں