The news is by your side.

Advertisement

متحدہ عرب امارات، گرمی کا زور ٹوٹ گیا تیز بارش، موسم خوشگوار

دبئی: متحدہ عرب امارات کے مختلف علاقوں میں تیز بارش کے بعد موسم خوشگوار ہوگیا۔

عرب میڈیا کے مطابق متحدہ عرب امارات کی مختلف ریاستوں راس الخیمہ ماسافی، اسفانی ودیگر میں موسلا دھار بارش کے بعد گرمی کا زور ٹوٹ گیا اور موسم خوشگوار ہوگیا۔

نیشنل میٹرولوجی کی جانب سے سماجی رابطے کی ویب سائٹ ٹویٹر پر تیز بارش کی ویڈیو شیئر کی گئی ہیں۔

محکمہ موسمیات کا کہنا ہے کہ متحدہ عرب امارات کے مختلف علاقوں میں آئندہ ہفتے موسم گرم رہے گا جبکہ گرد آلود ہوائیں بھی چل سکتی ہیں۔

بارش کے سبب ایڈوائزری جاری کی گئی ہے کہ جس میں کہا گیا ہے کہ گاڑی میں سفر کرنے والے افراد دھیان سے گاڑی چلائیں، ہوسکتا ہے کہ بارش کے باعث حد نگاہ کم ہوجائے۔

Comments

یہ بھی پڑھیں