ٹیسٹ کے نمبر ون بلے باز لبوشین ایشیز میں عجیب و غریب انداز میں اپنی وکٹ گنوا بیٹھے۔
ہوبارٹ میں کھیلے جانے والے ایشیز سیریز کے پانچویں اور آخری ٹیسٹ میں آسٹریلوی بیٹر لبوشین انگلش فاسٹ بولر براڈ کی گیند پرعجیب انداز میں بولڈ ہوئے جس کی ویڈیو سوشل میڈیا پر وائرل ہوگئی۔
ٹاپ آرڈر لڑکھڑانے پر لبوشین ٹیم کو مشکلات سے نکالنے کے لیے تیز رفتاری سے رنز بنا کر دباؤ کو کم کرنے کی کوشش کر رہے تھے اور وہ 52 گیندوں پر 9 چوکے لگا کر بڑی حد تک اپنے مقصد میں کامیاب بھی ہوئے۔
One of the weirdest dismissals we've ever seen! 😱#Ashes pic.twitter.com/8Qp5rKprn8
— cricket.com.au (@cricketcomau) January 14, 2022
اسی تسلسل کو برقرار رکھتے ہوئے لیبوشن نے بولر کا دھیان بھٹکانے کے لیے آف اسٹمپ پر آئے لیکن بلے باز کے ارادے کو بھانپتے ہوئے بولر نے فوری حاضر دماغی کا مظاہرہ کرتے ہوئے گیند مڈل اسٹمپ پر ڈالی جسے بلے باز سمجھ ہی نہ سکے اور لڑکھڑا گئے۔
لبوشین کی اس غیرذمہ دارانہ انداز میں وکٹ گنوانے پر ایک جانب انہیں تنقید کا سامنا ہے تو دوسری جانب سوشل میڈیا صارفین عجیب طریقے سے وکٹ گنوانے والے نمبر ون بلے باز کی حرکت حیران بھی ہیں۔