پاکستان ٹیم کے کنسلٹنٹ ڈائریکٹر مکی آرتھر تین روزہ دورے پر اسلام آباد پہنچ گئے ہیں جہاں انہوں نے قومی ٹیم کے کھلاڑیوں سے ملاقات کی ہے۔
پی سی بی کے جانب سے ٹوئٹر پر ویڈیو شیئر کی گئی ہے، جس میں پاکستان ٹیم کے کنسلٹنٹ ڈائریکٹر مکی آرتھر کو کھلاڑیوں سے ملاقات کرتے ہوئے دیکھا جاسکتا ہے۔
Mickey Arthur catches up with the Pakistan players at the team hotel in Islamabad 🤝#PAKvNZ | #CricketMubarak pic.twitter.com/kztBiBdhUN
— Pakistan Cricket (@TheRealPCB) April 18, 2023
ویڈیو میں کھلاڑیوں سے گفتگو اور ملاقات کے دروان سابق ہیڈ کوچ کو خوشگوار موڈ میں دیکھا جاسکتا ہے ملاقات میں اسٹار بلے باز بابر اعظم، آل راؤنڈر عماد وسیم، اور فاسٹ بولر شاہین آفریدی شامل تھے۔
مکی آرتھر نے نوجوان بیٹر صائم ایوب سے بھی ملاقات کی اور ان کے ہٹنگ پاور کو سراہا۔
54 سالہ مکی آرتھر اس سے قبل 2016 سے 2019 تک پاکستانی ٹیم کے ہیڈ کوچ رہ چکے ہیں، توقع ہے کہ وہ 20 اپریل تک اسکواڈ کے ساتھ رہیں گے، جس کے بعد وہ انگلینڈ واپس چلے جائیں گے۔
