The news is by your side.

ویڈیو: کراچی کے سرکاری اسکول میں بندر گھس گیا

کراچی: ایک بندر کراچی کے بلال کالونی جیکب لائن ایریا میں واقع گورنمنٹ اسکول میں گھس آیا۔

اے آر وائی نیوز کے مطابق اس واقعے سے اسکول کے طلبہ و اساتذہ میں خوف پھیل گیا، ویڈیو میں دیکھا جاسکتا ہے کہ بندر سرکاری اسکول کی دیوار پر بیٹھا ہوا ہے۔

اسکول کے پرنسپل کے مطابق کراچی کے اسکول میں بندروں کا داخل ہونا معمول کی بات ہے کیونکہ یہ واقعات روزانہ کی بنیاد پر رپورٹ ہوتے تھے۔

گزشتہ سال اسی قسم کے ایک واقعے میں پشاور میں چار فٹ لمبا سانپ داخل ہونے کے بعد پرائمری اسکول کا ایک کلاس روم خالی کر دیا گیا تھا۔

گورنمنٹ پرائمری اسکول کی انتظامیہ کا کہنا تھا کہ سانپ کلاس روم کی چٹائی کے نیچے سے ملا تھا۔ طلباء اور اساتذہ خود کو بچانے کے لیے بھاگے تاہم سانپ کو ڈنڈے کی مدد سے مار دیا گیا تھا۔

Comments

یہ بھی پڑھیں