تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

بھارت میں ہولی کے دوران غیرملکی خاتون سے بدتمیزی پر نوجوان مشکل میں پڑ گیا

سیکیولر ملک کا دعویٰ کرنے والے بھارت میں ہندوؤں کے مقدس سمجھے جانے والے تہوار ہولی کے موقع پر متعدد غیر ملکی خواتین کو ہراساں کیے جانے اور ان پر ہولی کھیلنے کے بہانے تشدد کیے جانے کی ویڈیوز سوشل میڈیا پر وائرل ہوگئیں۔

اس بار ہولی کا دن عالمی خواتین کے موقع پر منایا گیا تھا اور ہولی سے قبل ہی متعدد ادارں نے ہولی کھیلنے کے بہانے خواتین کو ہراساں کرنے اور انہیں تشدد کا نشانہ بنائے جانے کے عمل کی حوصلہ شکنی کی تھی، تاہم اس باوجود بھارت میں خواتین کو تشدد کا نشانہ بنائے جانے کی متعدد ویڈیوز وائرل ہوگئیں۔

ہولی کے تہوار پر بدتمیزی اور ہراساں کیے جانے کے بعد نوجوان جاپانی خاتون سیاح بنگلادیش روانہ ہو گئی، جس کی اطلاع انہوں نے ٹوئٹ کے ذریعے دی، دوسری جانب نوجوان لڑکی کے ساتھ بدتمیزی کرنے والے 3 افراد کو پولیس نے حراست میں لے لیا ہے۔

بھارتی میڈیا کے مطابق لڑکی نے کوئی شکایت درج نہیں کرائی اور وہ گزشتہ روز بنگلادیش کے لیے روانہ ہو گئی، لڑکی کو دہلی کے وسطی علاقے میں زبردستی پکڑ کر لوگوں نے رنگ لگایا تھا جبکہ ایک لڑکے نے لڑکی کے سر پر انڈا بھی توڑا تھا۔

پولیس نے کہا کہ ان کے خلاف دہلی پولیس ایکٹ کے تحت کارروائی شروع کر دی گئی ہے تاہم پولیس نے یہ بھی کہا ہے کہ مزید قانونی کارروائی کا فیصلہ لڑکی کی شکایت کے مطابق کیا جائے گا۔

Comments

- Advertisement -