امریکا میں ہوا کے بگولوں سے تباہی کے مناظر اکثر میڈیا کی زینت بنتے ہیں مگر ہوا کے بگولے کی زد میں آکر الٹنے اور پھر سیدھی ہوکر چلنے والی گاڑی کی ویڈیو نے سوشل میڈیا صارفین کو دنگ کردیا۔
گاڑی کے الٹنے اور سیدھے ہونے کی ویڈیو امریکی ریاست ٹیکساس سے وائرل ہوئی جس میں دیکھا جاسکتا ہے کہ ہوا کا تیز بگولہ سڑک پر چلتی ہوئی سرخ رنگ کی پک اپ ٹرک کو اپنی لپیٹ میں لے لیتا ہے۔
ہوا کے بگولے کی زد میں آکر ٹرک الٹتا ہے اور پھر سیدھا ہوکر چلنے لگتا ہے۔
واقعے کی اطلاع ملتے ہی ریسکیو اہلکاروں نے گاڑی کے ڈرائیور کو ریسکیو کیا جسے صرف معمولی زخم آئے تھے لیکن حادثے کے باعث اسے شدید صدمہ پہنچا ہے۔
Omg… just going thru my video. This is a story about a red truck and a tornado…. I CANNOT believe they drove away like that. #txwx #tornado pic.twitter.com/8h0nD88xFv
— Brian Emfinger (@brianemfinger) March 22, 2022
یاد رہے کہ 7 مارچ کو امریکی ریاست آئیوا کی میڈیسن کاؤنٹی میں بھی خوفناک ہوا کے بگولے چلے تھے، جس کے باعث شہریوں کو جانی و مالی نقصان پہنچا تھا۔
رپورٹ کے مطابق ہوا کے بگولے کی زد میں آکر بڑی تعداد میں مکانات گرنے سے درجنوں لوگ ملبے تلے دب گئے تھے، مقامی حکام کے مطابق مختلف حادثات میں دو بچوں سمیت7 افراد ہلاک ہوگئے جبکہ 7 افراد زخمی ہوئے۔
